PM Modi Bhutan Visit: राजधानी दिल्लीतील लाल किल्ल्याजवळील मेट्रो स्टेशनच्या गेट क्रमांक 1 च्या परिसरात सोमवारी (ता.10) भयानक स्फोट झाला. या घटनेमुळे संपूर्ण देशभरात एकच खळबळ उडाली आहे. या स्फोटात आतापर्यंत 9 जणांचा मृत्यू झाल्याची माहिती समोर आली आहे.
देशाच्या राजधानीत झालेल्या या धक्कादायक घटनेमुळे सुरक्षा यंत्रणा सतर्क झाल्या असून त्यांनी देशभरात अलर्ट जारी केला आहे. शिवाय घटनास्थळावर दिल्ली पोलीस आणि एनएसजीच्या पथकांनी तपास कार्य सुरू केले आहे. या घटनेनंतर देशाचे गृहमंत्री अमित शाह यांनी घटनास्थळी जाऊन प्रत्यक्ष पाहणी केली आहे.
एकिकडे देशाच्या राजधानीत मोठा स्फोट झाला आहे तर दुसरीकडे पंतप्रधान नरेंद्र मोदी आजपासून दोन दिवस भूतानच्या दौऱ्यावर गेले आहेत. बॉम्बस्फोटानंतरही पंतप्रधान मोदींनी आपला नियोजित दौरा रद्द केलेला नाही. मोदी हे दोन दिवसांच्या भूतान दौऱ्यावर आहेत.
तर भारत आणि भूतान या दोन देशांमधील मैत्री व भागीदारी अधिक दृढ करण्यासाठी हा दौरा असल्याचं सांगितलं जात आहे. या दौऱ्यादरम्यान पंतप्रधान मोदी भूतानचे चौथे राजा जिग्मे सिंग्ये वांगचुक यांच्या 70 व्या वाढदिवसाच्या समारंभाला हजेरी लावणार आहेत.
तसंच यावेळी ते भूतानला 1,000 कोटी रुपयांची आर्थिक मदत जाहीर करणार आहेत. तसंच ते या दौऱ्यात 1,020 मेगावॅट क्षमतेच्या पुनात्सांगचू दोन जलविद्युत प्रकल्पाचे संयुक्त उद्घाटन करणार आहेत.
जागतिक शांती प्रार्थना महोत्सवात सहभागी होऊन भगवान बुद्धांच्या पवित्र अवशेषांना दर्शन घेणार आहेत. मात्र, देशाच्या राजधानीत मोठा ब्लास्ट झाला असतानाही पंतप्रधान मोदींचा परदेश दौरा रद्द न केल्यामुळे आता चर्चांना उधाण आलं आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.