Karnataka News : कर्नाटकमध्ये काँग्रेसमधील सत्तासंघर्ष शिगेला पोहोचला आहे. मुख्यमंत्री सिद्धरामय्या विरुद्ध उपमुख्यमंत्री डी.के.शिवकुमार यांच्यातील वाद पुन्हा एकदा चव्हाट्यावर आला असून 'राजस्थान'सारखा सत्तासंघर्ष आता कर्नाटकातही उभा राहण्याची शक्यता निर्माण झाली आहे. या सगळ्या राजकीय घडामोडीत कर्नाटक राज्य पुन्हा एकदा हादरलं आहे.
एकीकडे राजकीय नेत्यांना अडचणीत आणणारे हनी ट्रॅपमुळे खळबळ उडाली असतानाच दुसरीकडे कर्नाटकात 'डीजीपी' दर्जाच्या आयपीएस अधिकाऱ्याचं मोठं कांड समोर आलं आहे. या अधिकाऱ्यानं थेट पोलिस कार्यालयातच अनेक महिलांशी गैरवर्तन केल्याची धक्कादायक बाब समोर आली आहे. याप्रकरणी आयपीएस अधिकाऱ्याचे कथित अश्लील चाळे करतानाच व्हिडिओ व्हायरल झाल्यामुळे संपूर्ण पोलिस यंत्रणा हादरली आहे.
डीजीपी दर्जाचे आयपीएस अधिकारी डॉ.रामचंद्रराव यांच्यावर गंभीर आरोप करण्यात आले आहेत. याप्रकरणी एवढ्या वरिष्ठ दर्जाच्या पोलिस अधिकाऱ्याचा सहभाग आढळून आल्यानंतर मोठी खळबळ उडाली आहे. रामचंद्रराव यांनी काही महिलांसोबत आक्षेपार्ह वर्तन करतानाचा त्यांचा कथित व्हिडिओ सोशल मीडियावर व्हायरल झाल्यानं सरकारचेही धाबे दणाणले आहेत.
धक्कादायक बाब म्हणजे सोशल मीडियावर व्हायरल करण्यात आलेला संबंधित व्हिडिओ डीजीपी कार्यालयातच चित्रित झाल्याची चर्चा आहे. या धक्कादायक प्रकरणानंतर कर्नाटकाचे मुख्यमंत्री सिद्धरामय्या यांनीही गंभीर दखल घेतली आहे. त्यांनी या घटनेची सखोल चौकशी करुन योग्य ती कारवाई करण्याचे निर्देश दिले आहेत.
याप्रकरणी आयपीएस अधिकारी डॉ.रामचंद्रराव यांनी महिलांसोबत अश्लील वर्तन केल्याचं व्हायरल व्हिडिओत दिसून येत असल्याचा दावा केला जात आहे. महिलांना आलिंगन देणे, त्यांना चुकीचा स्पर्श करणे,त्यांचं चुंबन घेण्यासारखे धक्कादायक प्रकार व्हिडिओतून समोर आले आहेत. रामचंद्रराव यांच्या या व्हिडिओमुळे पोलिस (Police) दलावरच आरोपांचे शिंतोडे उडवले जात आहे.
डॉ.रामचंद्रराव हे सध्या कर्नाटक राज्य नागरी हक्क अंमलबजावणी संचालनालयाचे डीजीपी म्हणून कार्यरत आहेत. त्यांच्या या कथित व्हिडिओ प्रकरणामुळे मुख्यमंत्री सिद्धरामय्या सरकारवर विरोधकांकडून कठोर कारवाईसाठी दबाव आणला जाणण्याची शक्यता आहे. कर्नाटक सरकारची नाचक्की करणाऱ्या या प्रकरणी सिद्धरामय्या सरकारवर डॉ.रामचंद्रराव यांच्यावर काय कारवाई करतेय याकडे राज्यासह विरोधकांचं लक्ष लागलेलं आहे.
मुख्यमंत्री सिद्धरामय्या माध्यमांशी बोलताना म्हणाले,डीजीपी रामचंद्र राव यांचा अश्लील व्हिडिओ व्हायरल झाल्याची माहिती सकाळी मिळाली आहे. याप्रकरणाची सखोल चौकशी करून कोणतीही तडजोड न करता कारवाई केली जाणार आहे. तसेच कोणताही सरकारी अधिकारी वा कितीही मोठी व्यक्ती असो,कायद्याप्रमाणेच कठोर कारवाई करण्यात येणार असल्याचंही त्यांनी स्पष्टपणे म्हटलं आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.