Donald Trump on India-US Relations : भारतावर तब्बल 50 टक्के टॅरिफ लादणारे अमेरिकेचे राष्ट्राध्यक्ष डोनाल्ड ट्रम्प यांचा सूर आता काहीसा नरमल्याच पाहायला मिळत आहे. मागील काही दिवसांपासून भारताला धमकी देणारे ट्रम्प यांनी आता भारताचे पंतप्रधान नरेंद्र मोदी माझे खास मित्र असल्याचे म्हटलं आहे.
त्यांच्या या वक्तव्यामुळे आता ट्रम्प डॅमेज कंट्रोल करण्याचा प्रयत्न करत असल्याचं बोललं जात आहे. माध्यमांनी ट्रम्प यांना भारत-अमेरिका संबंधांबद्दल प्रश्न विचरला असता ते म्हणाले, "भारताचे पंतप्रधान नरेंद्र मोदी हे नेहमी माझे मित्र राहतील. ते एक उत्तम पंतप्रधान आहेत. पण सध्या मला त्यांची काही धोरणे आवडत नाहीत.
मात्र, भारत आणि अमेरिकेचे संबंध खूप खास असले तरी काळजी करण्यासारखे काही नाही. कधीकधी असे क्षण येतात." त्यांच्या या वक्तव्यामुळे मागील काही दिवसांपासून दोन्ही देशांमधील ताणलेले संबंध पुन्हा एकदा चांगले होण्याची शक्यता वर्तवली जात आहे.
दरम्यान ट्रम्प यांनी सोशल मीडियावर पंतप्रधान नरेंद्र मोदी, चीनचे राष्ट्राध्यक्ष शी जिनपिंग आणि रशियाचे राष्ट्राध्यक्ष व्लादिमीर पुतिन यांचा एक फोटो शेअर केला होता. या फोटोच्या कॅप्शनमध्ये त्यांनी, आपण भारत आणि रशियाला चीनसमोर गमावले, त्यांचे एकत्र भविष्य दीर्घ आणि समृद्ध असो, असं लिहिलं होतं.
यावर फोटोवर देखील त्यांनी आता स्पष्टीकरण दिलं आहे. ते म्हणाले, असं काही घडेल असं मला मला वाटत नाही. भारत रशियाकडून तेल खरेदी करतो याबद्दल मी नक्कीच निराश आहे. यासाठी आम्ही भारतावर 50 टक्क्यांचा खूप मोठा टॅरिफ लादले आहे.
परंतू माझे मोदींशी चांगले संबंध आहेत. ते काही महिन्यांपूर्वी येथे आले होते, आम्ही एक संयुक्त पत्रकार परिषद देखील घेतली होती, असंही ट्रम्प यांनी म्हटलं आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.