
भारतावर 25 टक्के टॅरिफ आणि अतिरिक्त दंड आकारला जाईल, असे अमेरिकेचे राष्ट्राध्यक्ष डोनाल्ड ट्रम्प यांनी काही दिवसापूर्वी जाहीर केलं होतं. आता येत्या 24 तासांत भारतावर वाढीव कर लादणार असल्याचा थेट इशारा डोनाल्ड ट्रम्प (Donald Trump) यांनी दिला आहे.
ट्रम्प यांनी म्हटलं आहे की, भारतावर 25 टक्के टॅरिफ लादण्याचा निर्णय घेण्यात आला. पण आता मला वाटतं की, येत्या 24 तासांत भारतावर आणखी जास्त टॅरिफ आकारावं. कारण भारत रशियाकडून तेल खरेदी करत आहे, म्हणजेच युद्ध यंत्रणेला इंधन देत आहे,"
गेल्या काही दिवसापासून भारत आणि अमेरिकेतील यांच्यातील तणाव वाढत चालला आहे. काही दिवसापूर्वी राष्ट्राध्यक्ष डोनाल्ड ट्रम्प यांनी भारतावर नुकतेच 25 टक्के आयातशुल्क लावले अन् त्याची अंमलबजावणीही सुरू केली. त्यानंतर त्यांनी पुन्हा एकदा भारताला हे शुल्क वाढविण्याची धमकी दिली होती. त्यावर काही तासांतच भारतीय परराष्ट्र मंत्रालयाकडून ट्रम्प यांच्यावर जोरदार घणाघात केला होता. आता पुन्हा ट्रम्प यांनी भारतावर कर वाढविण्याची धमकी दिली आहे.
रशियाकडून भारताने मोठ्या प्रमाणात कच्चे तेल खरेदी करण्यावरुन ट्रम्प यांनी त्यातील मोठा हिस्सा आंतरराष्ट्रीय बाजारात विकून फायदा कमवत असल्याचा आरोप ट्रम्प यांनी गेल्या सोमवारी केला आहे.
भारत हा मोठा व्यापारी भागीदार नाही कारण ते आमच्याशी खूप व्यापार करतात, परंतु आम्ही त्यांच्याबरोबर व्यापार करू शकत नाही. आम्ही २५ टक्के शुल्क निश्चित केले आहे, परंतु भारत रशियन तेल खरेदी करीत असल्याने मी पुढील २४ तासांत त्यात आणखी लक्षणीय वाढ करणार आहे. ते रशियन युद्धयंत्राला इंधन देत आहेत, असे ट्रम्प यांनी म्हटले आहे.
गेल्या आठवड्यात नवी दिल्ली आणि मॉस्को या दोन्ही देशांना 'मृत अर्थव्यवस्था' म्हटल्यानंतर ट्रम्प यांनी हा हल्लाबोल केला आहे. भारतीय वस्तूंवर २५ टक्के शुल्क लादल्यानंतर नवी दिल्लीने मोठ्या प्रमाणात रशियन तेल खरेदी केल्याचा दाखला देत त्यांनी या आठवड्यात अतिरिक्त शुल्क लावण्याचा इशारा दिला आहे. आदल्या दिवशी ट्रम्प यांनी भारत खुल्या बाजारात मोठ्या नफ्यासाठी रशियाचे तेल विकत असल्याचा आरोप केला होता.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.