Rajasthan Politics: राजस्थानमध्ये काँग्रेसला गळती; भाजपला चमत्काराची आशा

Rajasthan News : नोव्हेंबर महिन्यात राजस्थानसह पाच राज्यांतील विधानसभा निवडणुका होणार आहेत. त्यामुळे राजस्थानमध्ये भाजप व काँग्रेसमध्ये चांगलीच जुंपली आहे. या निवडणुकीच्या पार्श्वभूमीवर काँग्रेसला मोठा झटका बसला आहे. काँग्रेसचे दिग्गज नेते नाथुराम मिर्धा यांची नात व माजी खासदार ज्योती मिर्धा यांनी सोमवारी दिल्लीत भाजपमध्ये प्रवेश केला.

त्यामुळे आगामी काळात भाजपला याचा मोठा फायदा होण्याची शक्यता आहे. विशेषतः जाट समाजाचे प्राबल्य असलेल्या पट्ट्यात भाजपला चमत्काराची आशा असून, त्यांच्या प्रवेशामुळे या परिसरात किमान आठ ते नऊ विधानसभा जागांवर परिणाम होण्याची शक्यता आहे.

विधानसभा निवडणुकीच्या तोंडावर राजस्थानात प्रमुख लढत असलेले काँग्रेस व भाजपमध्ये कुरघोडी सुरू आहे. दोन्ही पक्ष राजकीय समीकरणे भक्कम करण्यात गुंतले असताना काँग्रेसच्या माजी खासदार ज्योती मिर्धा यांनी भाजपमध्ये प्रवेश केल्याने काँग्रेसला धक्का बसला आहे. आगामी काळातील लोकसभा निवडणुकीच्या पार्श्वभूमीवर भाजपने मिर्धा यांना प्रवेश देत नागोर या लोकसभा मतदारसंघातून त्यांना उमेदवारी देण्याचे निश्चित केले असल्याचे समजते. गेल्या अनेक दिवसांपासून भाजप या जागेवर जाट समाजाच्या उमेदवाराच्या शोधात होते. मिर्धा यांच्या माध्यमातून चांगला चेहरा मिळाला असल्याने भाजपमध्ये आनंदाचे वातावरण आहे.

त्यांच्या प्रवेशामुळे नागौर लोकसभा मतदारसंघातील जाट समाजाचे प्राबल्य असलेले किमान आठ ते नऊ विधानसभा जागांवर होणार आहे. त्या ठिकाणी या घराण्याचा आजही प्रचंड धबधबा आहे. त्यामुळे मिर्धा याने भाजपमध्ये प्रवेश केला आहे. त्यामुळे विधानसभा निवडणुकीत राजस्थानात काँग्रेसचा मोठा धक्का बसणार आहे.

Edited By- Anuradha Dhawade