Iran war update : ट्रम्प यांना सर्वात मोठा झटका; आतापर्यंतच्या युध्दात कुणालाच जमलं नाही, ते इराणनं करून दाखवलं...

Iran defense system strength : इराणसोबतच्या युध्दात आपण जिंकलो, त्यांची हवाई सुरक्षा नेस्तनाबूत केली, असा दावा करणाऱे अमेरिकेचे राष्ट्राध्यक्ष डोनाल्ड ट्रम्प यांना मोठा झटका बसला आहे. इराण युध्दामध्ये अमेरिकेचे सर्वात अत्याधुनिक आणि सुरक्षित मानले जाणार एफ-३५ स्टील्थ फायटर जेट विमान अपघातग्रस्त झाले आहे. अमेरिकेच्या या विमानाला आपल्या एअर डिफेन्स सिस्टीमने हिट केल्याचा दावा इराणने केला आहे.

इराणचा हा दावा ट्रम्प यांच्यासाठी मोठा झटका मानला जात आहे. अमेरिकेच्या विमानाचे मोठे नुकसान झाल्याने त्याचे पश्चिम आशियातील एका अमेरिकन बेसवर इमर्जन्सी लँडिंग करावे लागले. विमानाचा पायलट सुरक्षित असल्याचे सांगितले जात आहे. मात्र, इराणच्या दाव्यामुळे जगात खळबळ उडाली आहे. याचे कारणही तसेच आहे.

अमेरिकेचे सुपर पॉवरफुल फायटर जेट एफ-३५ या विमानाला एखाद्या देशाच्या एअर डिफेन्स सिस्टीमने यशस्वीपणे हिट करण्याची ही पहिलीच घटना असल्याचा दावा केला जात आहे. सर्वात हायटेक विमानालाच इराणने टार्गेट केल्याने अमेरिकेच्या हवाई दलाला हादरा बसला आहे. अमेरिकेकडून अधिकृतपणे इराणचा दावा पूर्णपणे मान्य करण्यात आलेला नाही.

इराणने केलेला दावा खरा ठरल्यास अमेरिकेसाठी ही धोक्याची घंटा ठरणार आहे. कारण हा अमेरिकेच्या फायटर जेट-३५ वरील आतापर्यंतच्या युध्दातील पहिला हल्ला ठरू शकतो. असे करणारा इराण हा पहिला देश ठरेल. आतापर्यंत एकदाही या विमानावर हल्ला झालेला नाही. एअर डिफेन्स सिस्टीमला चकमा देणे, हे हायटेक फायटर जेटची ही खासियत आहे. त्यामुळे आतापर्यंत एकदाही या विमानलाही कुणीही हिट करू शकले नाही.

इराणच्या इस्लामिक रिव्हॉल्यूशनरी गार्ड कॉर्प्स (IRGC) ने एफ-३५ वर हल्ल्याचे फुटेजच जारी करत खळबळ उडवून दिली आहे. मात्र, अद्याप अमेरिकेकडून ते मान्य करण्यात आलेले नाही. अमेरिकी सेंट्रल कमांडचे प्रवक्ते कॅप्टन टिम हॉकिन्स यांनी विमानाचे इमर्जन्सी लँडिंग करावे लागल्याचे मान्य केले आहे. मात्र, त्याचे नेमके कारण सांगितले नाही. याची चौकशी सुरू असल्याची माहिती त्यांनी दिली.