Karnataka News : कर्नाटकातून एक मोठी बातमी समोर आली आहे. मुख्यमंत्री सिध्दरामय्या यांच्या मंत्रिमंडळातील मंत्री आणि त्यांच्या आमदार मुलाला हनी ट्रॅपमध्ये अडकविण्याचा प्रयत्न झाल्याची धक्कादायक माहिती समोर आली आहे. मात्र, हा प्रकार वेळीच समोर आल्याने हे दोघांची त्यातून सुटका झाली आहे. संबंधित महिलेकडून सातत्याने व्हिडिओ कॉल येत होते, असा दावा त्यांनी केला आहे.
कर्नाटकमध्ये यापूर्वी मंत्री किंवा आमदारांना हनी ट्रॅपमध्ये अडकवण्याचा प्रयत्न झाला आहे. आज पुन्हा एकदा हा प्रकार घडला आहे. त्यावर विधानसभेतही आज चर्चा झाली. कर्नाटकचे मंत्री के. एन. राजण्णा आणि त्यांचे आमदार पुत्र राजेंद्र राजण्णा यांच्याबाबतीत हा प्रकार घडला आहे. याबाबत त्यांनी आता अधिकृतपणे तक्रार दिली आहे.
या प्रकाराची माहिती देताना राजेंद्र राजण्णा यांनी सांगितले की, मागील सहा महिन्यांपासून माझे वडील आणि माझ्याबाबतीत हा प्रकार सुरू होता. संबंधित महिलेकडून येत असलेले व्हिडिओ कॉल हे नॉर्मल असतील, असे आम्हाला सुरूवातीला वाटले. पण दिवसागणिक कॉलचे प्रमाण वाढत गेले. याबाबत आज मी विधानसभेत बोलल्याचे राजण्णा यांनी सांगितले.
मुख्यमंत्री आणि गृहमंत्र्यांच्या कानावरही हा प्रकार घातला असून चौकशी कऱण्याचे आश्वासन त्यांनी दिले आहे. चौकशीतून सर्वकाही समोर येईल, असेही राजण्णा म्हणाले. दरम्यान, यापूर्वी कर्नाटकात हनी ट्रॅपचा प्रकार घडला आहे. सध्या मंत्री असलेले सतीश जारकीहोळी यांच्याबाबतीतही हा प्रकार घडला होता.
पुन्हा असाच प्रकार समोर आल्यानंतर जारकीहोळी म्हणाले, ‘हे काही नवीन नाही. कर्नाटकात अशा घटना यापूर्वीही घडल्या आहेत. मागील 20 वर्षांपासून हे सुरू आहे. काँग्रेस, भाजप आणि जेडीएस अशा प्रत्येक पक्षाचे नेते याचा बळी ठरले आहेत.’ राज्याचे गृहमंत्री जी. परमेश्वर यांनी या प्रकरणाची कसून चौकशी केली जाईल, असे स्पष्ट केले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.