लखीमपूर खीरी : शाळेत नेहमीप्रमाणे वर्ग सुरू होते. विद्यार्थी आणि शिक्षक आपापल्या कामात व्यस्त होते. अचानक गोळीबाराचा आवाज झाला आणि काही क्षणांतच शाळेचे वातावरण बदलून गेले. वर्गाच्या बाहेरच एका महिला शिक्षिकेवर गोळी झाडण्यात आली होती. त्यानंतर आरोपीने स्वतःवरही गोळी झाडली. काही वेळापूर्वी गजबजलेल्या शाळेत अचानक भीती आणि गोंधळाचे वातावरण निर्माण झाले.
या घटनेत निशात फातिमा या शिक्षिकेचा मृत्यू झाला, तर आरोपी सौद अन्सारी यानेही आत्महत्या केल्याचे समोर आले आहे. घटनेनंतर समोर आलेल्या CCTV फुटेजने या प्रकरणातील थरार आणखी वाढवला आहे. फुटेजमध्ये सौद अन्सारी हा निशात फातिमा यांना पकडून शाळेच्या पहिल्या मजल्याच्या दिशेने फरफटत नेताना दिसत आहे.
ही धक्कादायक घटना उत्तर प्रदेशातील लखीमपूर खीरी जिल्ह्यातील सदर कोतवाली पोलीस ठाण्याच्या हद्दीत घडली. सौद अन्सारी आणि निशात फातिमा यांच्यात प्रेमसंबंध असल्याचे सांगितले जात आहे. नेमके काय घडले, आरोपी शाळेत कसा पोहोचला आणि हत्येनंतर त्याने आत्महत्येचे पाऊल का उचलले, याचा तपास आता पोलिसांकडून केला जात आहे.
घटनेची माहिती मिळताच विद्यार्थ्यांच्या पालकांमध्येही चिंता पसरली. अनेक पालक शाळेत पोहोचून आपल्या मुलांची माहिती घेत होते. या घटनेमुळे लखीमपूर खीरी परिसरात खळबळ उडाली असून, पोलिसांकडून पुढील तपास सुरू आहे.
या घटनेनंतर शाळेतील CCTV फुटेज समोर आले आहेय त्यात सौद अन्सारी हा निशात फातिमा यांना पकडून शाळेच्या पहिल्या मजल्याच्या दिशेने फरफटत नेताना दिसत आहे. या फुटेजमुळे घटनेपूर्वी आणि त्यानंतर नेमक्या कोणत्या हालचाली झाल्या, याचा तपास करण्यास पोलिसांना मदत होत आहे. पोलिसांकडून CCTV फुटेजसह इतर पुराव्यांचीही तपासणी सुरू आहे.
मिळालेल्या माहितीनुसार, सौद अन्सारी आणि निशात फातिमा यांच्यात प्रेमसंबंध असल्याची प्राथमिक माहिती आहे. आरोपी शाळेच्या आवारात दाखल झाला. त्यानंतर वर्गाच्या परिसरात निशात फातिमा यांच्यावर त्याने गोळी झाडली या हल्ल्यानंतर आरोपीने स्वतःवरही गोळी झाडली. या घटनेत दोघांचाही मृत्यू झाला.
गोळीबाराचा आवाज ऐकताच शाळेच्या परिसरात एकच खळबळ उडाली. अचानक घडलेल्या या घटनेमुळे विद्यार्थी आणि शिक्षकांमध्ये भीतीचे वातावरण निर्माण झाले. घटनेची माहिती मिळताच पोलिसांचे पथक तातडीने घटनास्थळी दाखल झाले. पोलिसांनी घटनास्थळाची पाहणी करून संबंधित पुरावे ताब्यात घेण्यास सुरुवात केली.
CCTV फुटेजमध्ये आरोपी शिक्षिकेला पहिल्या मजल्याच्या दिशेने घेऊन जाताना दिसत असल्याने या फुटेजचा तपासात बारकाईने अभ्यास केला जात आहे. घटनेचा संपूर्ण क्रम स्पष्ट करण्यासाठी पोलिसांकडून उपलब्ध साक्षीदारांची माहिती आणि इतर पुरावेही तपासले जात आहेत.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.