Rahul Gandhi Video : मृत लोकांसोबत राहुल गांधींचे चहापान, स्वतः व्हिडिओ शेअर करत दिली धक्कादायक माहिती!

Rahul Gandhi News : मत चोरीच्या मुद्यावर राहुल गांधी प्रचंड आक्रमक झाले आहेत. त्यांनी पत्रकार परिषद घेत निवडणूक आयोगाच्या मतदार याद्यांमध्ये कसे डुप्लिकेट मतदार घुसले आहेत हे पुराव्यानिशी दाखवले. आता बिहारच्या मतदारयाद्यांचे पुनरीक्षण (एसआयआर) करण्यात येत आहे. त्यामध्ये तब्बल 60 लाख मतदारांना अपात्र ठरवले आहे. या एसआयआर विरोधात राहुल गांधींनी आक्रमक भूमिक घेतली आहे.

बिहारमध्ये ज्या मतदारांना मतदारयाद्यांमध्ये मृत घोषित केले आहे त्यांच्यासोबत चहा पित असतानाचा व्हिडिओ राहुल गांधी यांनी ट्विटरवर शेअर केला आहे. या मतदारांनी राहुल गांधी यांची त्यांच्या निवासस्थानी भेट घेतली. राहुल यांनी त्यांच्याशी संवाद साधला.

'जीवनात खूप वेगळाच अनुभव मिळाला. मृत लोकांसोबत चहा पिण्याची संधी मिळाली. या अनुभवासाठी निवडणूक आयोगाचे धन्यवाद.', असा टोला निवडणूक आयोगाला राहुल यांनी लगावला. राहुल गांधी यांनी मतदारयादीमध्ये मृत घोषित केलेल्या नागरिकांना आश्वासित केले की ते मत चोरी होऊ देणार नाही.

बिहारमध्ये तब्बल 60 लाख नागरिकांना अपात्र ठरवण्यात आले आहे. त्यातील 22 लाख मतदार मृत म्हणून जाहीर करण्यात आले आहेत. तर, 36 लाख मतदारांना स्थलांतरित घोषित करण्यात आले आहेत. स्थलांतरीत झालेले नागरिक नेमके कोण आहेत, हे निवडणूक आयोगाने उघड करावे, अशी मागणी करण्यात येत आहे. त्यावर बोलतान राहुल गांधी म्हणाले, निवडणूक आयोगाने तसे केले तर त्यांचा खेळ खल्लास होईल.

ग्रामपंचायतीमध्ये 50 मृत मतदार घोषित

राहुल गांधींनी त्यांना भेटायला आलेल्या मतदारांशी संवाद साधला. त्यांनी सांगितले की, चुकीच्या पद्धतीने मतदारयाद्यांमध्ये मतदारांना मृत घोषित केले जात आहे. एका ग्रामपंचयतीमध्ये 50 नागरिकांना मृत घोषित केले गेले आहे. राहुल यांना भेटलेले मतदार हे तेजस्वी यादव यांच्या राघोपूर विधानसभा मतदारसंघातून आले होते. सुप्रीम कोर्टात देखील ते गेले होते.