Uddhav Thackeray Delhi Visit : एकीकडे महाराष्ट्रात ठाकरे बंधुंच्या युतीच्या चर्चांनी जोर धरला आहे. अशातच सर्वोच्च न्यायलयाच्या निकालामुळे स्थानिकच्या निवडणुकीचा मार्ग मोकळा झाला आहे. त्यामुळे या निवडणुकांचा कार्यक्रम कधीही जाहीर होण्याची शक्यता असून ठाकरेंच्या भूमिकेकडे अनेकांचं लक्ष लागलं आहे.
तर दुसरीकडे विधानसभा निवडणुकीत पराभव झाल्यानंतर दिल्लीत इंडिया आघाडीची बैठक पार पडत आहे. या बैठकीसाठी शिवसेना ठाकरे गटाचे सर्वेसर्वा उद्धव ठाकरे उपस्थित राहणार आहेत. यासाठी बुधवारी सायंकाळी ते दिल्लीत दाखल देखील झालेत.
दिल्लीत गेल्यानंतर उद्धव ठाकरे बुधवारी रात्री शिवसेनेच्या (ठाकरे गट) लोकसभा आणि राज्यसभा खासदारांची संजय राऊतांच्या निवासस्थानी एक महत्वाची बैठक घेतली. या बैठकीत त्यांनी केंद्र सरकारवर हल्लाबोल करत त्यांना जनतेचं काहीही देणंघेणं नसल्याची टीका केली.
सत्ता हाच मोदी सरकारचा अजेंडा असून त्यांना जनहिताशी काहीही देणंघेणं नाही. मात्र, जनहितासाठी लढा देण्यासाठीच शिवसेनेचा जन्मच झाला आहे. त्यामुळे तुम्ही संसदेत जनतेच्या प्रश्नांवर ठाम भूमिका घ्या आणि सरकारला सळो की पळो करून सोडा, असा आदेश त्यांनी आपल्या खासदारांना दिला.
या बैठकीला ठाकरेंच्या युवासेनेचे प्रमुख आदित्य ठाकरे, खासदार संजय राऊत यांच्यासह पक्षाचे सर्व खासदार उपस्थित होते. दरम्यान, आज इंडिया आघाडीच्या प्रमुख नेत्यांची बैठक पार पडणार आहे. या बैठकीपूर्वी उद्धव ठाकरे पत्रकार परिषद घेणार आहेत. त्यामुळे दिल्लीतून ठाकरे नेमकं काय बोलणार? याकडे सर्वांचं लक्ष लागलं आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.