Ladki Bahini Yojana : लाडक्या बहिणींना गुड न्यूज, सरकारकडून 'या' तारखेला मिळणार रक्षाबंधनाची भेट!

Ladki Bahini Yojana : मुख्यमंत्री माझी लाडकी बहीण योजनेतील जुलै महिन्याचा निधी कधी मिळणार याची चिंता लाडक्या बहि‍णींना होती. त्यात 9 ऑगस्टला रक्षाबंधन असल्याने निधी वेळेत मिळाला नाही तर काय होणार याची देखील चिंता सातवत होती. मात्र, महिला व बालविकास मंत्री आदिती तटकरे यांनी या विषयी ट्विट करत लाडक्या बहि‍णींना गूड न्यूज दिली आहे.

'माननीय मुख्यमंत्री देवेंद्रजी फडणवीससाहेब, उपमुख्यमंत्री एकनाथजी शिंदेसाहेब, उपमुख्यमंत्री अजितदादा पवार यांच्या मार्गदर्शनाने मुख्यमंत्री माझी लाडकी बहीण योजनेच्या सर्व पात्र लाभार्थ्यांना रक्षाबंधनाच्या पूर्वसंध्येस जुलै महिन्याचा सन्मान निधी (१५०० रुपये) वितरित करण्यात येणार आहे.', असे आदिती तटकरे यांनी जाहीर केले आहे.

रक्षाबंधनाच्या पूर्वसंध्येस सर्व पात्र लाडक्या बहिणींच्या बँक खात्यात सन्मान निधीची रक्कम थेट लाभ हस्तांतरणाद्वारे जमा करण्यात येईल, असे देखील तटकरे यांनी म्हटले आहे. त्यामुळे 9 तारखेला रक्षांबधन येत असल्याने आठ ऑगस्टला महिलांच्या खात्यात 1500 रुपये जमा होणार आहेत.

तब्बल 26 लाख बहीणी अपात्र

मुख्यमंत्री माझी लाडकी बहीण योजनेअंतर्गत पात्र ठरलेल्या सर्व अर्जांची ओळख पटवण्यासाठी महिला व बालविकास विभागाने शासनाच्या सर्व विभागांकडून माहिती मागवली होती. यानुसार माहिती व तंत्रज्ञान विभागाने सुमारे २६.३४ लाख लाभार्थी अपात्र असताना देखील लाडकी बहीण योजनेचा लाभ घेत असल्याची माहिती आली आहे. या अपात्र बहिणांना मिळणार लाभ थांबवण्यात येणार आहे. जिल्हाधिकाऱ्यांकडून शहानिशा करून त्यापैकी जे लाभार्थी पात्र ठरतील त्यांचा लाभ शासनातर्फे पुन्हा सुरू करण्यात येईल, असे देखील आदिती तटकरे यांनीज जाहीर केले होते.

...थेट तीन हजार रुपये मिळणार

जुलै महिन्याचा निधी 1500 रुपये आठ ऑगस्टला महिलांच्या खात्यात जमा होणार आहे. तसेच पुढील निधी हा तीन हजाराचा असण्याची शक्यता वर्तवली जात आहे. विशेष म्हणजे निधीमध्ये कुठलीही वाढ केली जाणार नाही. तर, आगामी स्थानिक स्वराज संस्था निवडणुकीचा विचार करून ऑगस्ट आणि सप्टेंबर महिन्याचा एकत्रित निधी तीन हजार रुपये सप्टेंबर महिन्यात तीन हजार रुपये जमा करण्याची शक्यता वर्तवली जात आहे.