Ajit Pawar On Walmiki Karad : वाल्मिक कराडचा एन्काऊंटर होणार? अजित पवारांनी सत्य काय ते एका वाक्यात सांगितलं; म्हणाले...

Ajit Pawar News : निलंबित पोलिस अधिकारी रणजित कासले यांनी वाल्मिक कराडचा एन्काऊंटक करण्याचा प्लॅन होता. त्यासाठी आपल्याला विचारणा करण्यात आली होती, असा दावा केला आहे. कासले याचा हा दावा करणारा व्हिडिओ सोशल मिडियावार व्हायरल झाल्यानंतर वेगवेगळ्या चर्चांना उधाण आले होते. अखेर यामध्ये किती तथ्य आहे, याबाबत उपमुख्यमंत्री अजित पवार यांनी सांगितले आहे.

मीडियाशी संवाद साधताना अजित पवारांना वाल्मिक कराडच्या एन्काऊंटर विषयी विचारले असता ते म्हणाले, 'मला याबाबत काही माहिती नाही. निलंबित असलेल्या अधिकाऱ्याचे म्हणणे किती मनावर घ्यायचे हे ठरवायला हवे.'

रणजित कासले याने एक व्हिडिओ प्रसिद्ध करत सांगितले होते की, वाल्मिक कराडच्या एन्काऊंचरसाठी आपल्याशी संपर्क साधण्यात आला होता. त्यासाठी पाच, 50 कोटीची ऑफर देखील मला देण्यात आली होती. मात्र, हे पाप माझ्याकडून होणार नाही, असे सांगितले होते. मला जेव्हा ही ऑफर देताना आली तेव्हा मी सायबर विभागात होतो मात्र अशा कामासाठी दुसऱ्या विभागातूनही बोलवले जाते असे कासले यांनी व्हिडिओतून सांगितले होते.

पोलिसांना जाणार शरण...

धनंजय मुंडेंलाच वाल्मिक कराडचा एन्काऊंटर करायचा होता, असा दावा देखील कासले याने केले होता. या दाव्यासोबत पोलिसांनी आपल्याला पकडून दाखवावे असे चॅलेंज देखील त्याने केले होते. मात्र त्याचा नवा व्हिडिओ समोर आला असून आता पळून उपयोग नाही.मी पोलिसांना शरण जाण्याचा निर्णय घेतल्याचे कासले याने त्यात म्हटले आहे.

का झाले होते कासलेची निलंबन?

बीड पोलिस दलात कार्यरत असताना रणजित कासले याने गुजरातमध्ये जाऊन एका व्यापाऱ्याकडे खंडणीची मागणी केली होती. त्याचा व्हिडिओ देखील सोशल मिडियावर व्हायरल झाला होता. या प्रकरणाचा खातेअंतर्गत तपास करून विनापरवानी गुजरातमध्ये गेलेल्या रणजित कासले याचे बीड पोलिस आयुक्तांनी निलंबन केले होते.