Ashok Kharat News: ईडीचा खरातवर मोठा घाव! 13 तास चौकशी, मर्सिडीज जप्त, बँक खाती गोठवली

ED action on Ashok Kharat: अनेक महिलांना फसवून त्यांच्यावर लैंगिक अत्याचार करणारा नाशिक येथील भोंदूबाबा अशोक खरात याची आता ईडीकडून चौकशी सुरू झाली आहे. सोमवारी पहाटेपासून ईडी आणि इन्कम टॅक्सच्या पथकाने त्याच्या बंगल्यावर तपासणी केली. ईडीच्या पथकाने खरातची आलिशान एसयूव्ही जप्त केली आहे.

आता अशोक खरातच्या मुसक्या आवळण्यास तपास यंत्रणांनी सुरवात केली आहे. तब्बल तेरा तासाहून अधिक वेळ अशोक खरातची ईडीने चौकशी केली. यात ईडीच्या हाती मोठ घबाड सापडल्याची माहिती आहे. छापेमारीत अशोक खरातकडे कोट्यवधींची मालमत्ता असल्याचे पुरावे मिळाले आहे.

सकाळपासून भोंदू अशोक खरात याच्या तृप्तबाला घराची ईडीकडून १३ तासांपासून जास्त वेळ झाडाझडती सुरु होती. या कारवाईमध्ये खरात याची आलिशान मर्सिडीज गाडी ED कडून सील,ईडीने आत्तापर्यंत 100 पेक्षा जास्त दस्तऐवजांची तपासणी केली असल्याची माहिती आहे. खरात व त्याच्या संबंधित 11 ठिकाणी सोमवारी ईडीने छापेमारी केली आहे.

ईडी पथकाने खरातच्या शिवनिका संस्थेच्या कार्यालयातून महत्त्वाचे कागदपत्र जप्त केली आहेत. मिरगाव येथील शिवनीका संस्थान कार्यालय, जगदंबा पतसंस्थेतही ईडीच्या पथकाकडून चौकशी करण्यात आली. तर काही बँक स्टेटमेंटसह कागदपत्रांची माहितीही ED ने घेतली. मंदिरातील पुजारी व कर्मचारी यांचे देखील ईडी कडून चौकशी झाली.

ईडीच्या कारवाईत काय आढळले?

• ईडीने सोमवारी नाशिकमध्ये 5 तर शिर्डी आणि पुण्यात मिळून एकूण 11 ठिकाणी सर्च ऑपरेशन राबवले होते.

• अशोक खरातच्या जवळपास 10 कोटींच्या मालमत्तेची कागदपत्रांच्या आधारे ओळख पटली.

• अशोक खरातची 2 कोटी 50 लाखांची बँकेतील रक्कम गोठवली आहे.

• खरातची एक मर्सिडीज बेंझ गाडीही जप्त करण्यात आलीय.

• पुण्यातील प्रकाश पोफळेच्या घरातून 42 लाखांची रोख रक्कम जप्त करण्यात आल्याची माहिती आहे.

आर्थिक गैरव्यवहारांचा संशय

• काही खात्यांमधून कोट्यवधी रुपयांचे व्यवहार (अंदाजे 50–60 कोटी) झाल्याची माहिती समोर आली

• रोख व्यवहार आणि “माया जाळे” याची चौकशी सुरू

• सोलापूरसह इतर ठिकाणी कोट्यवधींची जमीन खरेदी

काही व्यवहारांमध्ये फसवणूक झाल्याचा संशय

ईडीचा तपास मुख्यतः आर्थिक गैरव्यवहार, मनी लॉन्डरिंग आणि बेनामी मालमत्ता यावर केंद्रित आहे. तर पोलिस/SIT तपासात ब्लॅकमेल, शोषण आणि डिजिटल पुरावे समोर आलेया सर्वामुळे प्रकरण अधिक गंभीर बनले असून अजून मोठे खुलासे होण्याची शक्यता आहे.