Bhaskar Jadhav News : विधीमंडळाचे अधिवेशन आजपासून नागपूरमध्ये सुरू झाले आहे. या अधिवेशानाच्या सुरुवातीलाच शिवसेना उद्धव बाळासाहेब ठाकरे पक्षाचे आमदार आणि शिंदेंचे मंत्री प्रताप सरनाईक यांच्या भेटीचा व्हिडिओ समोर आल्याने खळबळ उडाली आहे. नागपूरमधील एका हाॅटेलमध्ये त्यांची भेट झाली. या भेटीत दोघे चर्चा करताना दिसत आहेत. त्यामुळे शिंदेंनी ऑपरेशन टायगर पुन्हा अॅक्टिव्ह केल्याची चर्चा आहे.
या भेटीबाबात बोलताना प्रताप सरनाईक म्हणाले, भास्कर जाधव हे नगरविकास राज्यमंत्री असताना मी सातत्याने जायचे त्यांच्याकडे मतदारसंघातील कामं घेऊन जातो होतो. आमदार हा मंत्र्यांकडे जातच असतो. भास्कर जाधव यांच्या मतदारसंघात अडचण आहे, त्यांना कुठेतरी एसटी चालू करायची आहे. ज्येष्ठ आमदार म्हणून मी त्यांना जेथे मदत लागेल तेथे मदत करेल.
ऑपरेशन टायगर अजून थांबले नाही. मात्र, भास्कर जाधव आणि माझ्या भेटीचा अर्थ ऑपरेशन टागरच्या अनुषंगाने लावण्याची आवश्यकता नाही. असे देखील त्यांनी सांगितले. दरम्यान, जाधव यांच्या मतदारसंघात कुठे तरी एसटी सुरू करायची आहे. एसटी महामंडळ, परिवहन खात्याअंतर्गत आमची जेथे मदत लागेल तेथे आम्ही मदत करू, असे देखील ते म्हणाले.
भास्कर जाधव हे आक्रमक नेते आहेत. त्यांना विरोधी पक्षनेतेपद मिळणार नाही म्हणूनच त्यांच्या नावाचा प्रस्ताव उद्धव ठाकरेंनी दिला आहे. त्यांना आदित्य ठाकरेंना विरोधी पक्षनेते करायचे आहे, असा दावा मंत्री उदय जाधव यांनी केला. तर, जाधव यांनी प्रत्युत्तर देत आक्रम नेते म्हणणे हा मी माझा सन्मान समजतो. तसेच विरोधी पक्षनेतेपदाची आधी नियुक्ती तरी लावा मग बाकीचे पाहू असे म्हटले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.