Devendra Fadnavis Video : 15 लाख 70 कोटींची गुंतवणूक, CM फडणवीस विरोधकांवर कडाडले, ' मन की जलना का...'

Devendra Fadnavis News : परदेशी गुंतवणुकीसाठी मुख्यमंत्री देवेंद्र फडणवीस दावोसमध्ये आहेत. त्यांनी महाराष्ट्रात तब्बल 15 लाख 70 कोटींची गुंतवणूक झाल्याचे फडणवीस यांनी सांगितले. विशेष म्हणजे सर्वच क्षेत्रात गुंतवणूक झाली असून विदर्भ, एमएमआरडी क्षेत्र,नाशिक, छत्रपती संभाजीनगर या भागांना या गुंतवणुकीचा मोठा फायदा होणार असल्याचे मुख्यमंत्री फडणवीस म्हणाले.

दावोसमध्ये होणारी गुंतवणूक ही भारतातील कंपन्यांमधूनच होत आहे, असे टीका विरोध पक्षातील नेत्यांनी केली होती. त्यावर मुख्यमंत्र्यांनी फडणवीस यांनी पलटवार केला आहे. ते म्हणाले, मी हिंदीमध्ये एका शिक्षकाने सांगितले होते शरीर के जलना का इलाज मिलेगा मगर मन के जलन का क्या करोगे. तशी अवस्था विरोधकांची झाली आहे.

'देशातल्या विविध राज्यातील मुख्यमंत्री आणि मी मिळून भारताचे प्रतिनिधित्व केले. देशात जी गुंतवणूक होणार आहे त्यामुळे तब्बल 16 लाख रोजगार निर्माण होणार आहेत. 98 टक्के गुंतवणूक ही थेट परदेशी गुंतवणुकीत (एफडीए) च्या माध्यातून होत आहे. आंध्र प्रदेश, तामिळनाडू, तेलंगणा येथे देखील मोठी गुंतवणूक झाली आहे. पण मला आनंद आहे सर्वाधिक गुंतवणूक ही महाराष्ट्रात झाली आहे.', असे फडणवीस म्हणाले.

माजी मुख्यमंत्री आणि आत्ताचे उपमुख्यमंत्री एकनाथ शिंदे यांनी देखील गेल्यावर्षी चांगली सुरवात केली होती. त्यांनी गेल्यावेळी जे करार केले होते ते देखील आपण मार्गी लावले आहेत. करार करण्यामध्ये महाराष्ट्र पहिल्या क्रमांकावर आहेत. आणि 60 एमओयू (MOU) केले आहेत. देशातमध्ये एमओयू झाले असताना गुंतवणुकीचे प्रमाण 40 टक्के आहे पण हेच प्रमाणात महाराष्ट्रात 65 टक्के आहे.

भारतातील कंपन्या दावोसमध्ये का?

दावोस हे आंतरराष्ट्रीय नेटवर्कींगचे केंद्र आहे. येथे जगभरातील सीईओ येत असतात. भारतीय कंपन्यांची देखील इच्छा असते की त्यांनी येथे यावे. कारण त्यांचे जगभरातील गुंतवणुकदार, प्रमुख लोक हे सगळे येथे येऊ शकतात. सगळ्या प्रमुख लोकांच्या उपस्थितीत करार होतोय. तुमच्यासोबत चर्चा होते त्यामुळे ते दावोसमध्ये येतात, असे देखील देवेंद्र फडणवीस म्हणाले.