Anjali Damania BJP controversy : कर्जत-जामखेड विधानसभा मतदारसंघातील प्रलंबित कामांसाठी राष्ट्रवादी काँग्रेस पार्टी शरदचंद्र पवार पक्षाचे आमदार रोहित पवार यांनी आमसभा घेतली. या सभेत त्यांनी अधिकाऱ्याला चांगलेच झापलं. सामाजिक कार्यकर्त्या अंजली दमानिया यांनी रोहित पवार यांच्या आमसभेचा व्हिडिओ सोशल मीडियावर शेअर करत डिवचलं.
यावरून शिवसेना उद्धव बाळासाहेब ठाकरे सेना पक्षाच्या उपनेत्या सुषमा अंधारे यांनी यात उडी घेत, अंजली दमानिया भाजपची बाजू घेण्याच्या, विशेष करून पंतप्रधान नरेंद्र मोदी आणि मुख्यमंत्री देवेंद्र फडणवीस यांना 'फेव्हर' करण्याच्या छुप्यापद्धतीवर बोट ठेवून डिवचलं आहे.
सामाजिक कार्यकर्ता अंजली दमानिया यांनी रोहित पवार (Rohit Pawar) यांनी त्यांच्या विधानसभा मतदारसंघात घेतलेल्या आमसभेचा व्हिडिओ सोशल मीडियावर शेअर केला. यावरून अंजली दमानिया-रोहित पवार-सुषमा अंधारे यांच्यात 'ट्विटर वॉर' रंगले आहे. सुषमा अंधारे यांनी अंजली दमानिया यांच्या भाजपला फेव्हर करण्याच्या छुप्या अजेंडावर थेट हल्ला चढवल्याने हे 'ट्विटर वॉर' पुढं तापणार, अशी चिन्हं निर्माण झाली आहेत.
'तुमच्याकडे वेळ भरपूर आहे. फक्त भाजप (BJP) वगळून इतर सगळ्यांची प्रकरणे हातात, कशी काय येतात? या प्रश्नाचं उत्तर नाहीय आणि हे आमच्या व्यवस्थित लक्षात आलेलं आहे. असो, तुमचं पुढचं टार्गेट गडकरी असतील तर, आम्हाला फार नवल वाटणार नाही. कारण गडकरी हे तसे मोदी आणि फडणवीस दोघांनाही नकोच आहेत..!,' असा टोला सुषमा अंधारे यांनी अंजली दमानिया यांना ट्विटरवर लगावला आहे.
यावर अंजली दमानिया यांनी, सध्या मी एका खूप मोठ्या विषयावर काम करत आहे. त्यामुळे मी रोहित पवार आणि सुषमा अंधारे याना विनंती करते की एक आठवडा थांबा. तुमच्या सगळ्या प्रश्नांची उत्तरे मी देईन. पण सध्या माझ्याकडे वेळ खरच खूप कमी आहे, असे म्हटले आहे.
अंजली दमानिया यांनी रोहित पवार यांच्या आमसभेचा व्हिडिओ सशोल मीडियावर शेअर केल्यानंतर यात सुषमा अंधारे यांनी उडी घेतली. अंजली दमानिया या व्यक्तिरेखे बद्दल मला कायमच कुतूहल वाटत राहतं, असे म्हणत चंद्रशेखर बावनकुळे आणि मेघा इंजीनियरिंग कंपनी याच्या संबंधाने प्रचंड जोरात चर्चा सुरू झाली. ज्या मेघा इंजिनियरिंग कंपनीला नियमबाह्य पद्धतीने कंत्राट देण्यावरून सर्वोच्च न्यायालयाने सरकारला खडे बोल सुनावले. मात्र दमानियांनी बावन्नकुळेचा 'ब' सुद्धा उच्चारला नाही, असा टोला सुषमा अंधारे यांनी लगावला. तसं जयंत पाटलांविषयी अत्यंत विषारी भाषेबद्दल चकार शब्द देखील व्यक्त झाल्या नाही, याकडे देखील लक्ष वेधले.
सुषमा अंधारे यांच्या या ट्विटला अंजली दमानिया यांनी उत्तर देताना, हे ट्वीट वाचून गंमत वाटली. प्रत्येक विषय माहित असायला मी काही राजकीय पक्षात नाही. पण जो गंभीर विषय माझ्यापर्यंत येतो तो मी कधीच सोडत नाही. मी उगाच बोलत नाही. विषय घ्यायचा, चिघळायचा आणि दुसऱ्या दिवशी विसरून जायचा हे आमच्या स्वभावात नाही. मेघा इंजिनियरिंगवर उद्धव ठाकरे पण काहीच का बरं बोलत नाहीत? त्यांनी बोलायला हवं. तुम्ही कायदेशीर का बरं लढत नाही? जर तुम्ही PIL केलीत तर, तुम्हाला माझा पूर्ण पाठिंबा. तुम्ही करत नसाल तर, माझ्याकडे पेपर पाठवा. प्रत्येक भ्रष्टाचाराचे लढा ताकदीने कसा द्यायचा त्याचा प्रत्येय तुम्हाला येईल. सिलेक्टिव्ह लढे करायला आम्ही कुठच्याच गटात नाही, असं अंजली दमानिया यांनी सुनावलं.
हे 'ट्विटर वॉर' थेट पंतप्रधान नरेंद्र मोदी, मुख्यमंत्री देवेंद्र फडणवीस आणि केंद्रीय मंत्री नितीन गडकरी यांच्यापर्यंत पोचलं आहे. अंजली दमानिया यांच्याकडून सध्या आठवडाभर वेळ नसल्याचे सांगून, पुढं सर्व प्रश्नांची उत्तरे देणार असल्याचं म्हटलं आहे. त्यामुळे तुर्तास हे 'ट्विटर वॉर' शांत झाल्याचं दिसत असलं तरी, ज्वालामुखीसारखं कधीही त्याचा उद्रेक होऊ शकतो, असे निरीक्षण राजकीय विश्लेषणकांनी वर्तवत आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.