रायगडमध्ये नवा ट्विस्ट! महायुतीत समझोता एक्सप्रेस? तटकरे-गोगावले खुर्चीला खुर्ची लावून बसले, चर्चेला उधाण

Summary :

1. रायगडच्या पालकमंत्रिपदाचा तिढा अजून सुटलेला नाही.

2. अजित पवार यांच्या राष्ट्रवादी आणि शिंदे यांच्या शिवसेनेत रस्सीखेच सुरू आहे.

3. या वादामुळे महायुतीत ठिणगी पडण्याची शक्यता निर्माण झाली आहे.

4. आदिती तटकरे आणि भरत गोगावले एकाच व्यासपीठावर एकत्र बसल्याने चर्चेला उधाण आले आहे.

5. रायगडमध्ये आता वाद मिटणार का? यावर मोठी चर्चा सुरू झाली आहे.

Raigad Politics : रायगडच्या पालकमंत्रीपदाचा तिढा अद्याप सुटलेला नाही. उपमुख्यमंत्री अजित पवार यांची राष्ट्रवादी आणि एकनाथ शिंदे यांच्या शिवसेनेचे रस्सी खेच होताना दिसत आहे. गेल्या नऊ महिन्यापासून हा प्रश्न अद्याप मार्गी लागलेला नाही. याच मुद्द्यावरून राष्ट्रवादी आणि शिवसेनेचे समर्थक भिडल्याचेही समोर आले होते. या मुद्द्यावरून महायुतीत ठिणगी पडण्याची शक्यता निर्माण झाली असतानाच आदिती तटकरे आणि भरत गोगावले एकाच व्यासपीठावर एकत्र आले. फक्त एकत्रच आले नाही तर खुर्चीला खुर्ची लावूनही बसले. तसेच त्यांनी चर्चाही केली. यामुळे पालकमंत्रिपदाचा वाद मिटला की काय? अशी चर्चा रायगडमध्ये सध्या सुरू झाली आहे.

रायगडमध्ये गेल्या अनेक वर्षांपासून वर्चस्ववादातून तटकरे अन् गोगावले यांच्यामध्ये संघर्ष सुरू आहे. यानंतर आता राज्यात पुन्हा महायुतीचे सरकार आल्यानंतर पालकमंत्रीपदाचा वाद सुरू झाला आहे. गोगावले यांनी पालकमंत्री पदासाठी दंड थोपाटले आहेत. पण फडणवीस तटकरेवर खूश दिसत आहेत. यामुले येथील शासकीय ध्वजारोहनाची जबाबदारी तटकरे यांनाच देण्यात आली. यामुळे गोगावले यांनी अनेकदा नाराजी बोलून दाखवली तर त्यांच्या समर्थकांनी उघड उघड नाराजी दाखवताना रास्त्यावर उतरत आक्रमक पवित्रा घेतला होता. यामुळेच रायगडचे पालकमंत्रीपद अद्यापही कोणाकडे देण्यात आलेले नाही.

एकीकडे पालकमंत्री पदावरून रायगडमध्ये राजकीय वातावरण तंग झाले आहे. राजकीय आरोप-प्रत्यारोप होत आहेत. दोन्हीकडील कार्यकर्ते एकमेकांचे वाभाडे काडताना दिसत आहेत. अशा वेळी अलिबागमध्ये दोन्ही नेते मुख्‍यमंत्री समृद्ध राज अभियानाच्‍या प्रशिक्षण कार्यक्रमाच्‍या उद्घाटन समारंभासाठी एकाच व्यासपिठावर आले. त्यामुळे आता यांच्यातील वाद मिटला अशीच आता चर्चा सुरू झाली.

विशेष म्‍हणजे दोघांनीही एकमेकांच्‍या शेजारी बसत मनमोकळ्या गप्‍पा मारल्याचेही पाहायला आता मिळत आहे. यावेळी "पालकमंत्रिपदाबाबत दोन्‍ही पक्षाचे नेते एकत्र बसून निर्णय घेतील. आम्‍ही दोघे रायगडच्‍या विकासासाठी एकत्र राहू, असे आश्वासन आदिती तटकरे यांनी दिले. तर आम्‍ही दोघं चांगल्‍या कामासाठी एकत्र आलो आहोत, यात कुणी राजकारण आणू नये अशी ठाम भूमिका गोगावले यांनी घेतली आहे.

आदिती तटकरे यांनी भरत गोगावले यांनी टाकलेल्या या गुगलीमुळे आता त्यांचेच समर्थक संभ्रमात पडले आहेत. रायगडच्या पालकमंत्री पदावर दावा ठोकणारे दोन्ही दावेदार खुर्चीला खुर्ची लावून बसले. दोघांच्या एकमेकांशी गप्पाही झाल्या. यामुळे आता स्थानिक स्वराज्य संस्थांच्या निवडणुकीच्या आधी तटकरे-गोगावले वाद मिटला? अशीच जोरदार चर्चा सुरू झाली आहे.

FAQs :

प्रश्न 1: रायगडच्या पालकमंत्रिपदाचा तिढा किती दिवसांपासून आहे?
उत्तर: गेल्या ९ महिन्यांपासून हा तिढा सुटलेला नाही.

प्रश्न 2: कोणत्या पक्षांमध्ये या वादामुळे तणाव आहे?
उत्तर: अजित पवार यांची राष्ट्रवादी आणि एकनाथ शिंदे यांची शिवसेना.

प्रश्न 3: अलीकडे कोणत्या नेत्यांनी एकत्र व्यासपीठ शेअर केले?
उत्तर: आदिती तटकरे आणि भरत गोगावले.

प्रश्न 4: या वादामुळे महायुतीवर काय परिणाम होऊ शकतो?
उत्तर: महायुतीत ठिणगी पडण्याची शक्यता आहे.

प्रश्न 5: रायगडमध्ये आता वाद मिटणार का?
उत्तर: अद्याप अधिकृत निर्णय नाही, पण नेते एकत्र आल्याने चर्चेला उधाण आले आहे.