Khopoli murder case : मोठी बातमी! २३ दिवसांपासून पोलिसांना गुंगारा देणाऱ्या राष्ट्रवादीच्या नेत्याला बेड्या; काळोखे हत्याप्रकरणात उलघडणार धागेदोरे

Raigad murder case News : रायगड जिल्ह्याच्या खोपोली येथील शिवसेना शिंदे गटाच्या नवनिर्वाचित नगरसेविका मानसी काळोखे यांचे पती मंगेश काळोखे यांची निर्घृण हत्या करण्यात आली होती. ही हत्या २६ डिसेंबर रोजी करण्यात आली होती. तर या प्रकरणात राज्याचे उपमुख्यमंत्री अजित पवार यांच्या राष्ट्रवादीचे जिल्हाध्यक्ष सुधाकर घारे आणि जिल्हा प्रवक्ता भरत भगत यांची नावे समोर आली होती. ज्यानंतर राज्यभर खळबळ उडाली होती. आता या प्रकरणात मोठी माहिती समोर येत असून 23 व्या दिवसी या हत्येचा मास्टरमाइंड भरत भगत खालापूर परिसरातून अटक करण्यात आली आहे.

नुकताच झालेल्या नगरपालिका आणि नगर पंचायतींच्या निवडणुकीत शिंदेंची शिवसेना आणि राष्ट्रवादी काँग्रेसमध्ये रायगडमध्ये विविध ठिकाणी वाद झाला होता. तर मंत्री भरत गोगावले यांच्या मुलावर देखील गुन्हा दाखल झाला होता. यामुळे येथील राजकीय वातावरण तंग झाले असतानाच निकालानंतर पाचव्या दिवशी नवनिर्वाचित नगरसेविका मानसी काळोखे यांचे पती मंगेश काळोखे यांची हत्या करण्यात आली. ज्यामुळे एकच खळबळ उडाली होती.

त्यांच्या हत्येच्या 12 व्या दिवसानंतर देखील आरोपी म्हणून गुन्हा नोंद असलेल्या जिल्हाध्यक्ष सुधाकर घारे आणि जिल्हा प्रवक्ता भरत भगत यांना अटक होत नसल्याने काळोखे कुटुंबियांनी नाराजी व्यक्त केली होती. तसेच पोलिसांच्या तपासावर प्रश्न चिन्ह उपस्थित करत गुन्हा दाखल झाला असतानाही घारे आणि जिल्हा प्रवक्ता भरत भगत यांना कोणाच्या सांगण्यावरून पोलिस अभय देत आहेत असा सवाल केला होता. या दरम्यान आता हत्येच्या 23 व्या दिवसी या प्रकरणाचा मास्टरमाइंड पोलिसांनी खालापूर परिसरातून अटक केली आहे. यामुळे आता या हत्याप्रकरणात मोठी माहिती उघड होण्याची शक्यता आहे.

नेमके प्रकरण काय?

२६ डिसेंबर २०२५ रोजी खोपोलीत राजकीय वैमनस्यातून मंगेश काळोखे यांची दिवसाढवळ्या हत्या करण्यात आली होती. काळोखे आपल्या मुलींना शाळेत सोडण्यासाठी गेले होते. ते तेथून पर येत असतानाच त्यांच्यावर पाच ते सहा जणांना प्राण घातक हल्ला केला. तलवार, कुऱ्हाड आणि कोयत्याने त्यांच्यावर तब्बल २७ वार करण्यात आले होते. ज्यात त्यांचा जागीच मृत्यू झाला होता. तर या घटनेने संपूर्ण रायगड जिल्हा हादरून गेला होता.

सुपारी देऊन हत्या

या हत्येनंतर पोलिसांनी केलेल्या तपासात ही हत्या सुपारी देऊन आणि पूर्णपणे नियोजित असल्याचे समोर आले आहे. नगरपरिषद निवडणुकीत झालेल्या पराभवाचा बदला घेण्यासाठी २० लाखांची सुपारी देऊन मंगेश काळोखे यांचा काटा काढण्यात आला. या प्रकरणात पुण्यातून अटक केलेल्या मुख्य मारेकऱ्यांनेच याबाबत कबुली जबाब दिला होता. तर आतापर्यंत मुख्य मारेकऱ्यांसह १२ आरोपींना अटक करण्यात आली आहे.

दरम्यान या हत्याकांडाचा कट रचल्याचा संशय असणारे राष्ट्रवादीचे जिल्हाध्यक्ष सुधाकर घारे आणि प्रवक्ते भरत भगत यांचा अटकपूर्व जामीन अर्ज यापूर्वीच न्यायालयाने फेटाळला होता. यानंतरही भगत पोलिसांना चकवा देत होता. मात्र आज तो हत्येच्या २३ व्या दिवशी स्वतःहून पोलीस ठाण्यात हजर झाला आहे. त्यामुळे आता या प्रकरणातील महत्त्वाचे धागेदोरे उजेडात येण्यास मदत होणार आहे. तसेच भगत याच्यानंतर आता सुधाकर घारे ही पोलिसांत हजर होणार का याकडे रायगडकरांचे लक्ष लागले आहे.

FAQs :

1. खोपोली हत्या प्रकरण नेमके काय आहे?
खोपोली येथे नवनिर्वाचित नगरसेविकेचे पती मंगेश काळोखे यांची निर्घृण हत्या करण्यात आली होती.

2. मंगेश काळोखे यांची हत्या कधी झाली?
२६ डिसेंबर रोजी त्यांची हत्या झाली होती.

3. या हत्या प्रकरणात कोणावर आरोप आहे?
राष्ट्रवादी काँग्रेस (अजित पवार गट) रायगड जिल्हा प्रवक्ता भरत भगत यांच्यावर कट रचल्याचा आरोप आहे.

4. आरोपीने पोलिसांसमोर काय केले?
भरत भगत यांनी खोपोली पोलिसांसमोर हजर होत सरेंडर केले आहे.

5. या प्रकरणात राजकीय वळण का मानले जात आहे?
स्थानिक राजकीय संघर्षातून हत्या झाल्याचा संशय व्यक्त केला जात असल्याने या प्रकरणाला राजकीय वळण मिळाले आहे.