Maharashtra Cabinet Decisions: सरकारी विभागात IT कॅडर; मंत्रालयात स्वतंत्र AI विभाग, मंत्रिमंडळाचे धडाकेबाज 5 निर्णय

Maharashtra cabinet decisions: राज्य मंत्रिमंडळाच्या आजच्या बैठकीत पाच महत्त्वाचे निर्णय घेण्यात आले. राज्याच्या विकासाला नवे तंत्रज्ञान आणि आर्थिक बळ देणारे हे महत्त्वाचे निर्णय असल्याचे मानले जाते. राज्यात आता 'इलेक्ट्रॉनिक्स, माहिती तंत्रज्ञान व कृत्रिम बुद्धिमत्ता(AI)' हा स्वतंत्र मंत्रालयीन विभाग स्थापन होणार आहे.

स्वतंत्र IT कॅडर

आता राज्यात डिजिटल गव्हर्नन्स, AI आणि IT क्षेत्राला मोठी चालना मिळणार असल्याचे या निर्णयावरुन दिसते. माहिती तंत्रज्ञान संचालनालयाचे रूपांतर आयुक्तालयात होणार आहे. त्यासाठी राज्यभरासाठी स्वतंत्र IT कॅडर तयार केला जाणार असल्याची निर्णय कँबिनेट बैठकीत घेण्यात आला.

ऊर्जा विभाग

महावितरणची आर्थिक स्थिती सुधारण्यासाठी सरकारने मोठे पाऊल उचलले आहे. प्रशासनात आधुनिक तंत्रज्ञानाचा वापर वाढवण्यासाठी दोन महत्त्वाच्या कंपन्या स्थापन केल्या जाणार आहेत.महाराष्ट्र राज्य विद्युत वितरण कंपनी महावितरणची आर्थिक पुनर्रचना होणार.

भांडवली बाजरात सरकारी रोखे

शासन हमी असलेल्या कर्जा (३२,६७९ कोटी) साठी भांडवली बाजरात सरकारी रोखे येणार. याशिवाय कृषी वितरण व्यवसायाचे विभाजन (Agri Demerger) करण्यात येणार. तसेच महावितरण कंपनी भांडवली बाजारात सूचीबद्ध होणार.

MRSAC

महाराष्ट्र रिमोट सेन्सिंग अॅप्लिकेशन सेंटरचे (MRSAC) आता कंपनीत रुपांतर होणार आहे. या निर्णयामुळे रस्ते माहिती प्रणाली, नगररचना, जलयुक्त शिवार – पाणलोट विकास, डोंगरी विकास योजना, ई- पंचनामा, महा अग्री टेक, कांदळवन अभ्यास, भूजल व्यवस्थापन, खनिच व खाणींचा अभ्यासाला गती मिळणार आहे.

आपत्ती व्यवस्थापन विभाग (MRDP)

महाराष्ट्र प्रतिसादक्षम विकास कार्यक्रम (MRDP) राबविण्यास मंजुरी देण्यात आली आहे. खाजगी भांडवलाच्या मदतीने वित्तपुरवठा उभारण्यात येणार आहे. यासाठी जागतिक बँकेकडून १६५ कोटींचा निधी मिळणार आहे.पुराच्या पाण्याचा निचऱ्यासाठी कोल्हापूर, सांगली, इचलकरंजी शहरांसह, कृष्णा खोऱ्यातील पूराचा धोका कमी करण्यासाठी प्रतिबंधक आराखडे तयार करण्यात येणार.

महाजिओटेक

प्रशासनात गतिमानता आणण्यासाठी भू-स्थानिक तंत्रज्ञानाचा (Geospatial Technology) वापर करण्यासाठी महाराष्ट्र जिओटेक्नॉलॉजी अॅप्लिकेशन सेंटर (महाजिओटेक) कंपनी स्थापन करण्यात येणार आहे. आधुनिक तंत्रज्ञान, संशोधनामुळे विद्यार्थी, व्यावसायिक, संशोधकांसाठी शैक्षणिक कार्यक्रमाचे आयोजन करण्यात येणार आहे.