Pune News: राज्यातील माध्यमिक आणि उच्च माध्यमिक शिक्षण क्षेत्राशी संबंधित एक अत्यंत महत्त्वाची बातमी समोर आली आहे. खाजगी व्यवस्थापनाच्या शाळांमधील शिक्षक तसेच शिक्षकेत्तर कर्मचाऱ्यांच्या सरळसेवा भरती प्रक्रियेबाबत शालेय शिक्षण विभागाने अखेर मोठा निर्णय घेतला आहे.
या भरतीसाठी कोणतीही कमाल वयोमर्यादा लागू असणार नाही हे स्पष्ट केले आहे. यामुळे नोकरीच्या शोधात असणाऱ्या आणि वयाची अट ओलांडल्यामुळे चिंतेत असलेल्या हजारो पात्र उमेदवारांना मोठा दिलासा मिळाला आहे.
या नव्या निर्णयामुळे राज्यातील खाजगी शाळांमधील भरती प्रक्रियेचा मार्ग अधिक सुकर होणार असून नोकरभरतीतील तांत्रिक अडचणी दूर होण्यास मदत होणार आहे.
गेल्या काही काळापासून राज्यातील खाजगी अनुदानित आणि इतर माध्यमिक (इयत्ता ९ वी ते १० वी) तसेच उच्च माध्यमिक (इयत्ता ११ वी ते १२ वी) शाळांमध्ये सरळसेवेने कर्मचारी भरती करताना वयाच्या अटीवरून शिक्षण क्षेत्रात आणि क्षेत्रिय स्तरावर मोठा संभ्रम निर्माण झाला होता. 'कमाल वयोमर्यादा नाही' याचा अर्थ इतर पात्रता किंवा नियम रद्द झाले असा होत नाही.
यापूर्वी सन २०१९ मध्ये आणि २०२६ मध्ये शासनाकडून काही शासन निर्णय निर्गमित करण्यात आले होते. या संदर्भाधीन शासन निर्णयांमध्ये नमूद केलेल्या काही तरतुदींमुळे स्थानिक अधिकारी आणि शाळा व्यवस्थापनांमध्ये वयोमर्यादेबाबत संभ्रम वाढत चालला होता. यासंदर्भातील अनेक निवेदने व तक्रारी सातत्याने शासनाकडे प्राप्त होत होत्या, ज्याची गंभीर दखल घेत शासनाने आता यावर अधिकृत आणि अंतिम स्पष्टीकरण दिले आहे.
महाराष्ट्र खाजगी शाळांतील कर्मचारी (सेवेच्या शर्ती) नियमावली, १९८१ मधील नियम ९ (४) (ब) मधील तरतुदीनुसार खाजगी शाळांमधील शिक्षक व शिक्षकेत्तर पदांच्या सरळसेवेच्या नियुक्तीसाठी कोणतीही कमाल वयोमर्यादा कधीही विहित करण्यात आलेली नाही.
या नियमाच्या आधारेच, पूर्वीच्या संदर्भ १, २ आणि ३ मधील शासन निर्णयांमध्ये असणाऱ्या वयोमर्यादेसंबंधित तरतुदी आता खाजगी शाळांच्या बाबतीत पूर्णपणे गैरलागू ठरवण्यात आल्या आहेत. याचा सरळ अर्थ असा की, आता पात्र उमेदवारांना सरळसेवेच्या नियुक्तीसाठी कोणतीही वयोमर्यादेची अट बंधनकारक असणार नाही, असे सरकारने स्पष्ट केले नाही.
हा नवीन शासन निर्णय शालेय शिक्षण विभागामार्फत ५ नोव्हेंबर २०२६ रोजी काढण्यात आला आहे. www.maharashtra.gov.in या संकेतस्थळावर सर्वसामान्यांसाठी उपलब्ध करण्यात आला आहे. या आदेशाचा संकेताक २०२६११०५१८५०५४५४४९ असा आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.