Mumbai News: राज्याचे क्रीडा व युवक कल्याण मंत्री माणिकराव कोकाटे यांनी आपल्या मंत्रिपदाचा राजीनामा दिला असून तो उपमुख्यमंत्री आणि राष्ट्रवादी काँग्रेसचे प्रमुख अजित पवार यांनी तत्वतः स्विकारला आहे. कोकाटेंना दोन वर्षांची शिक्षा झाल्यानं त्यांच्याविरोधात अटक वॉरंटही निघालं आहे. याचवेळी हायकोर्टात शिक्षेला स्थगिती देण्याप्रकरणी सुनावणी सुरू होती. आता हायकोर्टानं माणिकराव कोकाटेंना(Manikrao Kokate) मोठा दिलासा दिला असून त्यांच्या शिक्षेला स्थगिती देतानाच त्यांना एक लाखांचा जामीनही मंजूर करण्यात आला आहे.
आमदार माणिकराव कोकाटे यांनी शासकीय सदनिका घेतली होती. तीस वर्षांपूर्वीच्या या प्रकरणात त्यांनी बनावट कागदपत्रे सादर केल्याने ते दोषी आढळल्यानंतर त्यांना नाशिकच्या जिल्हा सत्र न्यायालयाने दोन वर्षांची कारावासाची शिक्षा कायम ठेवल्याने त्यांच्या राजकारणच धोक्यात आले होते.
माजी मंत्री माणिकराव कोकाटेंचं मंत्रिपद गेल्यानंतर आता त्यांची आमदारकी अडचणीत आली होती. याबाबत मुंबई उच्च न्यायालय नेमकं काय निर्णय देते याकडे राजकीय क्षेत्रासह सर्वांचंच लक्ष लागलेलं होतं.
दरम्यान, नाशिक सत्र न्यायालयाच्या या निर्णयानंतर आता नाशिक पोलीस आजच अटक वॉरंट घेऊन मुंबईला लीलावती रुग्णालयात दाखल झाले होते. तर दुसरीकडे आता याविरोधात माणिकराव कोकाटे यांनी या प्रकरणात जामिनासाठी मुंबई हायकोर्टात धाव घेतली होती. शिक्षेला स्थगिती मिळावी यासाठी कोकाटे यांच्या वतीनं हायकोर्टत जामीन अर्ज दाखल करण्यात आला होता.
माणिकराव कोकाटे यांना बनावट कागदपत्रांच्या आधारे शासकीय सदनिकेचा लाभ घेण्याच्या प्रकरणात दोन वर्षांच्या तुरुंगवासाची शिक्षा ठोठावण्यात आली होती. या प्रकरणातील शिक्षेला स्थगिती देण्याच्या सुनावणी हायकोर्टात पार पडली. यावेळी कोकाटेंच्या शिक्षेला कोर्टाने स्थगिती दिली नसल्याची माहिती याचिकाकर्त्यांच्या वकिलांनी म्हटलं आहे.
अटक वॉरंट निघालेल्या माजी मंत्री माणिकराव कोकाटेंची अटक तूर्तास तरी टळली आहे. कोकाटेंना मुंबई उच्च न्यायालयाकडून 1 लाखाच्या जाचमुचलक्यावर जामीन मंजूर करण्यात आला आहे.
माजी मंत्री कोकाटे यांना दोन वर्षांची शिक्षा ठोठावण्यात आली आहे. त्यामुळे मुख्यमंत्री देवेंद्र फडणवीस यांनी त्यांच्यावर कारवाईचे आदेश दिले होते. मुख्यमंत्री अजित पवार यांनी त्यांचे खाते काढून घेतले होते. त्यामुळे माणिकराव कोकाटे यांच्यावर अवघ्या एक वर्षात मंत्रिपदावरून पायउतार होण्याची नामुष्की ओढावली.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.