मस्साजोगचे सरपंच संतोष देशमुख हत्या प्रकरणात गंभीर आरोप, पत्नी करुणा शर्मा यांनी केलेले आरोप यामुळे सतत चर्चेत असलेले अजित पवार यांचे निकटर्तीय, माजी मंत्री, आमादार धनंजय मुंडे मन:शांतीच्या शोधात आहेत. मन:शांतीसाठी ते नुकतेच इगतपुरी (Igatpuri) येथील विपश्यना केंद्रात होते.
दहा दिवसाची साधना पूर्ण करुन धनंजय मुंडे हे सोमवारी बीडमध्ये (Beed News) आपल्या निवासस्थानी परत आले. विपश्यना केंद्रातून घरी परत आल्यानंतर त्यांनी थेट माजलगाव येथील दिवंगत माजी आमदार आर.टी. देशमुख यांचे घर गाठलं. त्यांच्या कुंटुबियांची भेट घेतली.
लातूर येथे काही दिवसांपूर्वी अपघातात आर.टी. देशमुख यांचा मृत्यू झाला होता.आर.टी. देशमुख यांच्या कुटुंबीयांची मुंडे यांनी भेट घेतली. त्यांची विचारपूस करुन सांत्वन केले. आर.टी. देशमुख यांच्या कुटुंबातील ज्येष्ठ व्यक्तींना मुंडे यांनी आलिंगन देऊन त्यांचे सांत्वन केले. आर.टी. देशमुख यांच्या प्रतिमेला धनंजय मुंडे यांनी वंदन केले.
धनंजय मुंडे यांनी इगतपुरी येथील आंतरराष्ट्रीय दर्जाच्या विश्व विपश्यना धम्मगिरी केंद्रातील दहा दिवसांची साधना पूर्ण केली. २१ तारखेपासून सुरु झालेल्या या शिबीरात त्यांनी आनापान साधनेचा अभ्यास करत मन:शांतीचा अनुभव घेतला. साधना पूर्ण करुन रविवारी (ता. १) पहाटे ते आपल्या पक्षाच्या कोणत्याही नेत्याला न भेटता व प्रसारमाध्यमांना टाळून आपल्या निवासस्थानी निघून गेले होते.
दरम्यान, आज बीड जिल्हा व विशेष सत्र न्यायालयात सरपंच संतोष देशमुख हत्या प्रकरणात सुनावणी होणार आहे. गेल्या सुनावणीत आरोपीच्या वकिलांकडून डिजिटल पुराव्यांची मागणी करण्यात आली होती, ते त्यांना देण्यात आले आहे. विशेष सरकारी वकील उज्वल निकम हे आजच्या सुनावणीसाठी न्यायालयात उपस्थित असतील.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.