Gotya Gitte News : महादेव मुंडे हत्या प्रकरणातील संशयीत आरोपी गोट्या गित्ते हा फरार आहे. महादेव मुंडे यांच्या पत्नीने हत्या प्रकरणात एसआयटी स्थापन करण्याची मागणी केली होती. ती मागणी देखील मान्य करण्यात आली आहे. दरम्यान, फरार गोट्या गित्तेचा शोध स्थानिक गुन्हे शाखेकडून घेण्यात येत आहे.
स्थानिक गुन्हे शाखेची दोन पथके गोट्या गित्तेचा शोध घेत असतानाच त्याचा व्हिडिओ समोर आला आहे. रुळावर बसून केलेल्या या व्हिडिओमध्ये गोट्या गित्ते थेट आत्महत्येची धमकी देत आहे. आपल्यावर खोटे आरोप करण्यात येत असून आपण आत्महत्या करू असे तो म्हणत आहे.
'माझ्यावर आरोप केले तर मी जीव देईल. माझी बदनामी कराल तर मी जीव देईल, त्याचे कारणीभूत तुम्ही असाल.', असे गोट्या गित्ते हा जितेंद्र आव्हाड यांना उद्देशून म्हणाला आहे. हा व्हिडिओ नेमका कधीचा आहे हे स्पष्ट होऊ शकले नाही. मात्र, फरार आरोपीकडून असे व्हिडिओ समोर येत असताना पोलिस त्याला पकडण्यात अपयशी ठरत असल्याची टीका करण्यात येत आहे.
गोट्या गित्ते हा सराईत गुन्हेगार आहे. त्याच्यावर परळीसह बीड जिल्ह्यातील विविध पोलिस ठाण्यात गुन्हे दाखल आहेत. चोरी, हाफ मर्डर सारखे गुन्हे त्याच्याविरोधात दाखल आहे. महादेव मुंडे खून प्रकरणात फरार असताना त्याने नऊ मिनिटांचा व्हिडिओ करत जितेंद्र आव्हाड यांना आव्हान दिले होते. आता त्याने दुसऱ्या व्हिडिओमध्ये थेट आत्महत्येची धमकी दिली आहे.
गोट्या गित्तेने त्याच्या एका व्हिडिओमध्ये परळीतील गरीब, श्रीमंत सगळ्यांना विचारा ते सांगतील वाल्मिकअण्णा दैवत आहेत. तसेच धनंजय मुंडेंना टार्गेट करू नका असे म्हटले आहे. जितेंद्र आव्हाडांना धमकी देखील या व्हिडिओमध्ये दिली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.