Dhananjay Munde : करुणा शर्मा यांचा पुन्हा एकदा मोठा दावा; 'आता धनंजय मुंडेंची आमदारकीही जाणार, ती फक्त ४ महिनेच?'

Beed News : करुणा शर्मा यांनी पुन्हा एकदा माजी मंत्री तथा राष्ट्रवादीचे नेते आमदार धनंजय मुंडे यांच्याविरोधात दंड थोपाटले आहेत. त्यांनी मुंडे यांच्याविरोधात जोरदार हल्लाबोल केला असून मुंडे यांची आमदारकी चार महिन्यात जाईल असा दावा केला आहे. तसेच त्यांनी यावेळी पंकजा मुंडे यांच्यावर देखील निशाणा साधल्याने एकच खळबळ उडाली आहे. धनंजय मुंडे यांनी करुणा शर्मा यांच्या घरावर केलेल्या दाव्यावरून त्यांनी हा दावा केला आहे. त्यामुळे आता पुन्हा एकदा चर्चेला उधाण आलं आहे.

करुणा शर्मा यांनी मुंडे यांनी त्यांच्या मुंबईतील घरावर दावा केल्याचा आरोप केला आहे. दोन दिवसांपूर्वी धनंजय मुंडे यांनी माझ्या या घरावर हक्क सांगितला होता. त्यांनी हे घर माझं असून घराचा 15 लाखांचं मेंटेनन्स रखडलेलं आहे. आता मला ते घर विकायचं असून माझं कर्ज फेडायचं असल्याचे म्हटलं होते.

पण जरी धनंजय मुंडे या घरावर हक्क असल्याचे सांगत असले तरीही मी त्यांना आधीच बजावते की, या घरावर तुमचा हक्का नाही. हे घर माझं आहे. तरीदेखील धनंजय मुंडे हे खालच्या पातळीवर जाऊन अशी कृत्य करत आहेत.

पण त्यांना हवं तर त्यांनी शासकीय बंगला सोडावा आणि घरामध्ये येऊ राहावं. कारण आता चार महिन्यांमध्ये धनंजय मुंडे यांची आमदारकीही जाणार आहे, असा दावा देखील त्यांनी केला आहे.

यादरम्यान मंत्री पंकजा मुंडे यांच्यावर देखील करुणा शर्मा यांनी निशाणा साधला आहे. पंकजा मुंडेंप्रमाणेच धनंजय मुंडेंचं देखील रस्सी जल गयी, लेकीन बल नही गया असंच आहे. धनंजय मुंडे आणि पंकजा मुंडे बीडमध्ये जाती-जातीत तेड निर्माण करण्याचा प्रयत्न करत आहेत, असाही आरोप करुणा शर्मा यांनी केला आहे.

FAQs :

1. करुणा शर्मा यांनी कोणाबाबत दावा केला?
धनंजय मुंडे पुढील चार महिन्यांत आमदारपद गमावतील असा दावा केला.

2. त्यांनी आणखी कोणावर निशाणा साधला?
पंकजा मुंडेंवर.

3. या वक्तव्यामुळे काय झाले?
महाराष्ट्राच्या राजकीय वर्तुळात खळबळ उडाली.

4. करुणा शर्मा यांचे वक्तव्य का चर्चेत आले?
त्यांनी मुंडे कुटुंबावर थेट टीका केली म्हणून.

5. या दाव्याचा राजकारणावर काय परिणाम होऊ शकतो?
मुंडे कुटुंबातील वाद आणि राजकीय वातावरण आणखी तापू शकते.