Mumbai News : मुंबई महापालिका निवडणूक रंगतदार होण्याची शक्यता आहे. प्रचारासाठी शेवटचे चर्च दिवस शिल्लक असल्याने वातावरण चांगलेच तापले आहे. महायुती व ठाकरे बंधूंच्या पक्षात चुरशीची लढत होत असल्याने सर्वांचे लक्ष निवडणूक निकालाकडे लागले आहे. या वेळेसच्या निवडणुकीत काही लढती चुरशीच्या होत आहेत. विशेषतः मुंबई महापालिकेच्या प्रभाग २०९ मधील लढतीकडे सर्वांचे लक्ष लागले आहे. या प्रभागातून आधी खासदारकीची संधी हुकली, मग आमदारकी गेलेली एकनाथ शिंदेंची रणरागिणी निवडणूक रिंगणात उतरली असल्याने सर्वांचे लक्ष लागले आहे.
मुंबई महापालिका निवडणुकीसाठी 15 जानेवारीला मतदान होत आहे. त्यामुळे उत्सुकता शिगेला पोहचली आहे. या निवडणुकीसाठी काही प्रभागात लक्षवेधी निवडणुका होत असल्याने सर्वांचे लक्ष लागले आहे. 2019 साली झालेल्या विधानसभा निवडणुकीत शिवसेनेच्या यामिनी जाधव आमदार झाल्या होत्या. मात्र, त्यानंतर शिवसेनेत उभी फूट पडल्यानंतर उद्धव ठाकरेंची साथ सोडून एकनाथ शिंदेसोबत त्या गेल्या होत्या.
त्यानंतर 2024 साली झालेल्या लोकसभा निवडणुकीत दक्षिण मुंबई मतदारसंघातून यामिनी जाधव यांना उद्धव ठाकरेंच्या शिवसेनेचे खासदार अरविंद सावंत यांच्याकडून पराभव स्वीकारावा लागला होता. त्यानंतर सहा महिन्यात झालेल्या विधानसभा निवडणुकीत भायखळा विधानसभा मतदारसंघातून उद्धव ठाकरे यांच्या शिवसेनेचे आमदार मनोज जामसुतकर यांच्याकडून त्यांना पराभवाचा धक्का बसला होता.
2019 मध्ये आमदारकी भूषवलेल्या यामिनी जाधव दोन निवडणुकात पराभूत झाल्यानंतर आता मुंबई महापालिका निवडणुकीच्या रिंगणात उतरल्या आहेत. त्यामुळे आता यामिनी जाधव या नगरसेविका होणार का, याकडे सर्वांचे लक्ष लागले आहे.
मुंबई महापालिकेच्या निवडणुकीत प्रभाग क्रमांक 209 मधून एकनाथ शिंदे यांच्या शिवसेनेच्या माजी आमदार यामिनी जाधव मैदानात उतरल्या आहेत. त्यांच्या विरोधात ठाकरे बंधूंच्या आघाडीकडून मनसेच्या हसीना माहिमकर, राष्ट्रवादी काँग्रेसच्या हर्षला सुर्वे, राफिया दामोदी (काँग्रेस) यांच्यात लढत होत आहे. या निवडणुकीमध्ये कोण बाजी मारणार? याबाबत उत्सुकता लागली आहे.
उद्धव ठाकरे यांची साथ सोडून शिवसेना शिंदे गटात सामील झालेले स्थायी समितीचे माजी अध्यक्ष यशवंत जाधव यांनी पत्नी, माजी आमदार यामिनी जाधव यांना प्रभाग क्रमांक 209 मधून निवडणुकीसाठी रिंगणात उतरवले आहे. 2017 मध्ये ते स्वतः या प्रभागातून निवडून आले होते. यामिनी यांच्यासमोर मनसेच्या हसिना माहीमकर यांचे आव्हान आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.