Shivsena News : ठाकरेंच्या सेनेला आणखी एक खिंडार? थेट शिंदेंच्या मंत्र्यासोबत आमदाराचा 'तो' फोटो व्हायरल; राजकारणात मोठी खळबळ!

Mumbai News : राज्यात गेल्या दोन दिवसापासून वेगवान घडामोडी घडत आहेत. त्यामुळे राज्यातील वातावरण चांगलेच तापले आहे. गेल्या आठवड्यात ठाकरे सेनेचे सहा खासदार फुटले असल्याची घटना ताजी असताना राज्यातील फुटलेल्या खासदारांच्या मतदारसंघार उद्धव ठाकरे यांनी सभा घेतल्या होत्या. त्यातच मंगळवारी एकनाथ शिंदेंनी मोठा धक्का दिला असून उपसभापतिपदाची उमेदवारी आदित्य ठाकरेंचे विश्वासू आमदार सचिन अहिरला देत बिनविरोध निवडून आणले आहे. त्यातच आता ठाकरे सेनेचे आणखी काही आमदार शिंदे सेनेच्या वाटेवर असल्याची चर्चा रंगली असतानाच आता आणखी एक आमदार एकनाथ शिंदेंच्या मंत्र्यासोबत दिला आहे. त्याचा फोटोही व्हायरल झाला असल्याने लवकरच धक्का बसण्याची शक्यता वर्तवली जात आहे.

उद्धव ठाकरे (Uddhav thackeray) यांच्या सेनेला धक्का बसण्याचे सत्र सुरूच आहे. आगामी काळात उद्धव ठाकरेंचे आणखी काही आमदार हे शिंदे गटात जाण्याची दाट शक्यता असल्याचा दावा केला जात आहे. त्यासाठी ऑपरेशन टायगर सुरु झाल्याचेही शिंदे गटातील नेते सांगत आहेत. या सर्व घडामोडी घडत असतानाच आता आणखी एक आमदार अचानक चर्चेत आला आहे. या आमदाराने एकनाथ शिंदे यांच्या पक्षातील नेते तथा मंत्री प्रतापराव सरनाईक यांच्यासोबचा फोटो सोशल मीडियावर पोस्ट केला आहे. त्यामुळे धाराशिव जिल्ह्यातील हा आमदार शिंदे सेनेच्या वाटेवर असल्याची चर्चा पुन्हा रंगली आहे.

गेल्या आठवडाभरापासून विधिमंडळाचे पावसाळी अधिवेशन सुरू आहे. सत्ताधारी आणि विरोधी बाकावरील आमदारांची विधानभवानाच्या परिसरात भेट होत राहते. सध्या मात्र पक्षांतराचे वारे वाहू लागले असतंच आता व्हायरल झालेला फोटो सध्या राजकारणात चर्चेचा विषय ठरला आहे. त्यामुळेच उद्धव ठाकरे यांच्या शिवसेनेचे (Shivsena) उमरगा विधानसभा मतदारसंघाचे आमदार प्रवीण स्वामी सध्या चर्चेत आले आहेत. त्यांनी मंत्री प्रताप सरनाईक यांच्यासोबतच एक फोटो सोशल मीडियावर पोस्ट केला आहे.

या फोटोमध्ये आमदार प्रवीण स्वामी सोबतच मंत्री प्रताप सरनाईक दिसत आहेत. विधानभवन परिसरातील हा फोटो आहे. हा फोटो पोस्ट करताना त्यांनी कोणतेही कॅप्शन दिलेले नाही. परंतु त्यांच्या या फोटोची सगळीकडेच चर्चा होत आहे.

काही लोकांनी ‘हे पण शिंदे गटात गेले का?’ अशा आशयाची मिश्कील टिप्पणी केली आहे. दरम्यान, प्रवीण स्वामी यांनी प्रताप सरनाईक यांच्यासोबतचा फोटो अपलोड केलेला असला तरी त्यातून कोणत्याही राजकीय निर्णयाची शक्यता सध्या तरी वाटत नाही.