Pankaja Munde : पत्नीच्या आत्महत्येनंतर अनंतचा फोन आला, पंकजा मुंडेंनी काय घडलं ते सांगितलं

Pankaja Munde News : मंत्री पंकजा मुंडे यांचे पीए अनंत गर्जे यांच्या पत्नी डाॅ. गौरी गर्जे यांनी शनिवारी गळफास घेत आत्महत्या केली. या प्रकरणात वरळी पोलिस ठाण्यात गुन्हा देखील दाखल झाला आहे. दरम्यान, या प्रकरणावर मंत्री पंकजा मुंडे यांनी आपली प्रतिक्रिया दिली आहे.

पंकजा मुंडे म्हणाल्या, शनिवारी सायंकाळी अनंतचा फोन माज्या दुसर्‍या पीएच्या फोनवर आला. त्याने आक्रोश करत सांगितले की त्याची पत्नी गौरीने आत्महत्या केली आहे. ही गोष्टी माझ्यासाठी खूप धक्कादायक होती.

मी पोलिसांना योग्य तपास करून हे प्रकरण हाताळण्याच्या सूचना केल्या आहेत.मी गौरीच्या वडिलांशी बोलले ते प्रचंड दुःखी आहेत. या प्रकरणात पोलिसांनी कारवाईत कोणताही कसूर ठेऊ नये, असे देखील पंकजा मुंडे म्हणाल्या.

गौरीच्या वडिलांनी गौरीने आत्महत्या नव्हे तर तिची हत्या करण्यात आल्याचा आरोप केला आहे. अनंत याचे एका महिलेसोबत अनैतिक संबंध होते. गौरी हिला घरात गर्भपात करण्यासंदर्भात काही कागदपत्र मिळाली होती. त्यावर अनंतचे पती म्हणून नाव होते. या संदर्भात गौरीने घरच्यांना सांगू नये म्हणून अनंत गौरीवर मानसिक दबाव टाकून तिला आत्महत्येची धमकी देत होता. तसेच आत्महत्या करताना तिचे नाव चिठ्ठीत लिहिन असे म्हणत होता.

अनंतला पोलिसांकडून अटक

गौरीच्या आत्महत्ये प्रकरणी अनंतसह त्याचा भाऊ आणि बहीण यांच्यावर गुन्हा दाखल झाला होता.त्यानंतर अनंत फरार होता. मात्र, रविवारी मध्यरात्री एकच्या सुमारास पोलिसांनी त्याला अटक केली.मिळालेल्या माहितीनुसार अनंत मध्यरात्री एकच्या सुमारास पोलिसांना शरण आला.

हत्या नसून आत्महत्याच...

गौरीचे आई-वडिलांनी ही हत्या नसून आत्महत्या असल्याचा आरोप केला आहे. करुणा मुंडे यांनी देखील हे आत्महत्येचे प्रकरण नसून हत्येचे प्रकरण आहे. पोलिस गुन्हा दाखल करून घेत नव्हते तेव्हा गौरीच्या नातेवाईकांनी आपल्याला फोन केला होता, असे देखील सांगितले.