Parth Pawar Meet Sharad Pawar : सुनेत्रा पवारांच्या शपथविधीपूर्वी पार्थ पवार शरद पवारांच्या भेटीला, नेमकं कारण काय?

Sharad Pawar News : सुनेत्रा पवार या आज उपमुख्यमंत्री पदाची शपथ घेणार आहेत. दरम्यान, या विषयी आपल्याला काही माहीत नसल्याचे वक्तव्य शरद पवार यांनी केली होते. पवारांच्या या वक्तव्याच्या अवघ्या दोन तासात पार्थ पवार हे शरद पवारांना भेटण्यासाठी गोविंद बाग येथे दाखल झाले आहेत. ही भेट नेमकी कशासाठी घेत आहेत हे स्पष्ट होऊ शकले नाही.

शरद पवार यांनी आज सकाळी माध्यमांशी बोलताना सांगितले की, सुनेत्रा पवार शपथ घेणार याची मला माहिती नाही. सुनील तटकरे, प्रफुल पटेल हे त्यांच्या पक्षाचे प्रमुख आहेत. त्यांना निर्णय घेण्याचा अधिकार आहे. त्यामुळे प्राधान्याने काय करावं हे त्यांनी ठरवलं आहे. त्यावर आम्ही काही भाष्य करणार नाही.

12 तारखेला घोषणा होणार होती

अजित पवारांसोबत दोन्ही पक्ष एकत्र येण्याबाबत चर्चा झाली होती. १२ तारखेला याबाबतची घोषणा होणार होती. मात्र, त्याआधीच हा मोठा अपघात झाला, असे शरद पवार यांनी सांगितले.

विलीनीकरणाची जबाबदारी जयंत पाटलांवर

विलीनीकरणाबाबत आपल्या जबाबदारी देण्यात आली होती, असे जयंत पाटील यांनी सांगितले आहे. अजित पवार आणि आपल्या चार बैठका देखील झाल्या होत्या. अजितदादांची इच्छा होती की दोन्ही पक्षांनी एकत्र यावं. आम्ही पवारसाहेबांच्यासोबत देखील बैठक झाली होती. 12 तारखेला एका बाबत आम्ही घोषणा करणार होतो.