Sangli News : विधानसभा निवडणुकीनंतर आणि स्थानिकच्या तोंडावर सांगलीत मोठ्या राजकीय घडामोडी झाल्या होत्या. त्या आताही सुरू आहेत. काहीच दिवसांपूर्वी राष्ट्रवादी शरदचंद्र पवार पक्षाला रामराम ठोकत उपमुख्यमंत्री अजित पवार यांच्या राष्ट्रवादीत माजी मंत्री शिवाजीराव नाईकांसह काही माजी आमदार आणि इतर पक्षातील पहाधिकाऱ्यांनी प्रवेश केला होता. आता स्थानिकच्या निवडणूका काहीच महिन्यांवर आल्या असतानाच माजी मंत्री शिवाजीराव नाईक यांच्याकडे पक्षाने महत्वाची जबाबदारी दिली आहे.
शिवाजीराव नाईक यांची प्रदेश उपाध्यक्षपदी निवड करण्यात आली. याबाबतचे नियुक्तिपत्र प्रदेशाध्यक्ष सुनील तटकरे यांच्या हस्ते त्यांना मुंबईतील सह्याद्री अतिथीगृहात आयोजित बैठकीत देण्यात आलं आहे. त्यावेळी उपमुख्यमंत्री अजित पवार, प्रदेशाध्यक्ष सुनील तटकरे, प्रफुल्ल पटेल उपस्थित होते.
शिवाजीराव नाईक यांनी दोन महिन्यांपूर्वी मोजक्या कार्यकर्त्यांसमवेत राष्ट्रवादी काँग्रेसमध्ये अध्यक्ष अजित पवार, प्रदेशाध्यक्ष सुनील तटकरे, प्रफुल्ल पटेल यांच्या उपस्थितीत मुंबई येथे प्रवेश केला. त्यांनी अजित पवार यांचे हात बळकट करण्याचा निर्णय घेतला. त्यांनी 13 वर्षे जिल्हा परिषद अध्यक्ष असताना उत्कृष्ट केलेले काम केले असूननंतर पाच वर्षे सार्वजनिक बांधकाम राज्यमंत्री म्हणून जबाबदारी सांभाळली आहे.
त्यांचा प्रशासनामधील गाढा अभ्यास असल्याने त्यांना उपमुख्यमंत्री अजित पवार, प्रदेशाध्यक्ष सुनील तटकरे यांनी आज राज्यामध्ये काम करण्याचे संधी दिली. शिराळा मतदारसंघ, सांगली जिल्ह्यासह पश्चिम महाराष्ट्रात उत्साहाचे वातावरण आहे. यावेळी आगामी स्थानिकच्या अनुशंगाने बैठकीत चर्चा झाली. यावेळी आमदार शिवाजीराव गर्जे, जिल्हाध्यक्ष निशिकांत भोसले-पाटील, माजी आमदार राजेंद्र देशमुख, शहराध्यक्ष प्रा. पद्माकर जगदाळे, सांगलीचे माजी महापौर दिग्विजय सूर्यवंशी, रणधीर नाईक, केदार पाटील, शिराळा तालुकाध्यक्ष अशोक पाटील, शहाजी पाटील, सी. एच. पाटील, विठ्ठल दळवी, जत, पलूस, कडेगाव, मिरज, सांगली शहरासह विविध तालुक्यांतील अनेक प्रमुख कार्यकर्ते उपस्थित होते.
पक्ष प्रवेशा वेळी अजित पवार यांनी वयस्कांनी आता मार्गदर्शकाच्या भूमिकेत यावं, आणि पक्षासाठी काम करावं. तुमच्या अनुभवाचा योग्य सन्मान केला जाईल अशी ग्वाही दिली होती. तसेच प्रदेशाध्यक्ष तटकरे यांनी देखील असेच आश्वासन दिले होते. यानंतर आता शिवाजीराव नाईक यांची प्रदेश उपाध्यक्षपदी निवड केली आहे.
दरम्यान शिवाजीराव नाईक आणि राष्ट्रवादी काँग्रेस शरद पवार पक्षाचे प्रदेशाध्यक्ष जयंत पाटील एकाच मतदार संघात येत असल्याने आता मोठी चुसर पहायाला मिळणार आहे. अजित पवार यांनी शिवाजीराव नाईक यांची थेट प्रदेश उपाध्यक्षपदी नियुक्त करत जयंत पाटलांना स्थानिकच्या तोंडावर नवे आव्हान निर्माण केले आहे. तर प्रदेश उपाध्यक्षपदी नियुक्ती केल्याने सांगलीत राष्ट्रवादीच्या वाढीला अधिक वाव मिळणार आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.