Satara : अजितदादांच्या नॉट रिचेबलवर बावनकुळे हसले अन्‌ म्हणाले....

सातारा : अजितदादा काय करतील ते ना तुम्हा माहिती होईल ना मला, ते कुठे आहेत ते त्यांनाच माहिती असते, असा चिमटा भाजपचे प्रदेशाध्यक्ष चंद्रशेखर बावनकुळे यांनी अजित पवारांना काढला.

भाजपचे प्रदेशाध्यक्ष आज साताऱ्याच्या दौऱ्यावर असून त्यांच्या उपस्थितीत आज भाजपची आगामी निवडणुकांतील रणनिती ठरणार आहे. आज सकाळी त्यांनी खासदार उदयनराजे भोसले व आमदार शिवेंद्रसिंहराजे भोसले यांची भेट घेतली. त्यानंतर त्यांनी एका खासगी हॉटेलमध्ये पत्रकारांशी संवाद साधला.

गेली काही दिवसांपासून राष्ट्रवादीचे नेते व विधानसभेतील विरोधी पक्षनेते अजित पवार गेल्या काही दिवसांपासून नॉट रिचेबल होते. याविषयी भाजपचे प्रदेशाध्यक्ष चंद्रशेखर बावनकुळे यांना आज पत्रकारांनी विचारले. त्यावर श्री. बावनकुळे हसले आणि म्हणाले, अजित दादा काय करतील ते ना तुम्हाला माहिती होईल किंवा मलाही कळणार नाही. ते कुठे आहेत ते त्यांनाच माहिती असते.