महापालिका निवडणुकांतील अपयशानंतर राष्ट्रवादी काँग्रेस शरदचंद्र पवार पक्षाला पश्चिम महाराष्ट्रात मोठा धक्का बसला आहे.
शाहू समूहाचे नेते समरजित घाटगे यांनी पक्षाची तुतारी हटवत भाजप प्रवेशाचे स्पष्ट संकेत दिले आहेत.
मंत्री चंद्रकांत पाटील यांच्या सूचक वक्तव्यामुळे भाजप प्रवेश लवकरच होणार असल्याची चर्चा रंगली आहे.
Kolhapur News : कोल्हापूर जिल्ह्याच्या राजकारणात पुन्हा एकदा मोठा राजकीय भूकंप होण्याची शक्यता आहे. विधानसभेच्या निवडणुकीवेळी भाजपला रामराम ठोकून राष्ट्रवादी काँग्रेस शरदचंद्र पवार पक्षाची तुतारी फुंकणाऱ्या समरजित घाटगे यांच्या भाजप प्रवेशाची चर्चा पुन्हा एकदा जोर धरू लागली आहे. त्यांच्या भाजप प्रवेशाची चर्चा आता निर्णायक टप्प्यावर पोहोचल्या रंगली असतानाच भाजप नेते तथा मंत्री चंद्रकांत पाटील यांनी केलेले सूचक वक्तव्य आणि समरजित घाटगे यांनी फेसबूकवरून हटवलेली तुतारी यामुळे कोल्हापूरच्या राजकारणात खळबळ उडाली आहे.
नुकताच झालेल्या विधानसभेच्या निवडणुकीवेळी समरजित घाटगे यांनी भाजपची साथ सोडली होती. त्यांनी कार्यकर्त्यांचा मेळावा घेत मंत्री हसन मुश्रीफ यांच्याविरोधात विधानसभेचे रणशिंग फुंकले होते. त्यावेळी राष्ट्रवादीचे तत्कालीन प्रदेशाध्यक्ष जयंत पाटील यांच्या उपस्थितीत राष्ट्रवादीत प्रवेश केला होता. मात्र त्यांचा पराभव झाला. यानंतरच समरजित घाटगे पुन्हा भाजपमध्ये प्रवेश करतील अशी चर्चा सुरू झाली.
दरम्यान नुकताच पार पडलेल्या नगर परिषदा आणि नगर पंचायतींच्या निवडणुकीत कागमध्ये दोन्ही राष्ट्रवादी एकत्र आल्या. मंत्री हसन मुश्रीफ आणि समरजित घाटगे यांच्यात युती झाली. तसेच विजयाची गुलाल ही समरजित घाटगेंना लागला. यानंतर आता पुन्हा एकदा त्यांच्या भाजप प्रवेशाच्या चर्चांना उधान आले आहे.
अशातच त्यांनी आपल्या फेसबूकवरून तुतारी हटवली आहे. यामुळेच आता ते लवकरच राष्ट्रवादी शरदचंद्र पवार पक्षाला रामराम करतील अशी चर्चा होत आहे. तर त्यांच्या पक्ष प्रवेशाचा मुहूर्तही ठरला असून तो जिल्हा परिषद निवडणुकानंतर होईल असेही बोलले जात आहे.
समरजित घाटगे भाजपमध्ये येणार असा दावा मंत्री चंद्रकांत पाटील यांनी केला आहे. यावेळी त्यांनी, समरजित घाटगे पुन्हा एकदा भाजपच्या ब्रॉड कोल्डमध्ये आलेले असून फक्त पक्षप्रवेश ही टेक्निकल बाब राहिलेली आहे. ती पण लवकरच पूर्ण होईल असे सूक वक्तव्य केलं आहे. तर समरजित घाटगे यांचे कार्यकर्ते जिल्हा परिषद आणि पंचायत समिती निवडणूक कमळ चिन्हावर लढतील असेही त्यांनी म्हटलं आहे.
दरम्यान कोल्हापुरात समरजित घाटगे यांनी भाजप नेत्यांची भेट घेतल्याचे बोलले जात असून ते महायुतीच्या बैठकीला हजेर होते अशी चर्चा आहे. तर यावेळी मंत्री हसन मुश्रीफ, मंत्री प्रकाश आबिटकर यांच्यासह कोल्हापुरातील महायुतीचे सर्व नेते उपस्थित असल्याचेही बोलले जात आहे. यामुळेच आता गेल्या काही दिवसांपासून समरजित घाटगे भाजपच्या वाटेवर असल्याच्या चर्चांना आता लवकरच मृत रूप येईल असेही बोलले जात आहे.
1. समरजित घाटगे यांनी कोणता पक्ष सोडला आहे?
समरजित घाटगे यांनी राष्ट्रवादी काँग्रेस शरदचंद्र पवार पक्षाला रामराम केला आहे.
2. समरजित घाटगे भाजपमध्ये प्रवेश करणार आहेत का?
होय, भाजप प्रवेशाबाबत जोरदार चर्चा सुरू असून लवकरच पक्षप्रवेश होण्याची शक्यता आहे.
3. भाजप प्रवेशाचे संकेत कशामुळे मिळाले?
समरजित घाटगे यांनी फेसबुकवरून तुतारी चिन्ह हटवले असून भाजप नेत्यांनीही सूचक वक्तव्य केले आहे.
4. या निर्णयाचा राष्ट्रवादीवर काय परिणाम होईल?
पश्चिम महाराष्ट्रात राष्ट्रवादी शरद पवार गटाला मोठा राजकीय धक्का बसण्याची शक्यता आहे.
5. आगामी निवडणुकांमध्ये त्यांचे कार्यकर्ते कोणत्या चिन्हावर लढतील?
जिल्हा परिषद व पंचायत समिती निवडणुका भाजपच्या कमळ चिन्हावर लढण्याची तयारी असल्याचे सांगण्यात आले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.