Solapur, 18 July : डॉ. शिरीष वळसंगकर यांच्या आत्महत्या प्रकरणात नवीन घडामोड घडली असून जामीनावर असलेली संशयित आरोपी मनीषा मुसळे माने हिने मोठी मागणी केली आहे. वळसंगकर रुग्णालयात मी आर्थिक अपहार केला की नाही, याची सत्यता तपासण्यासाठी डॉ. शिरीष वळसंगळर, त्यांची पत्नी डॉ. उमा, मुलगा डॉ. अश्विन, सून डॉ. शोनाली आणि हॉस्पिटलच्या बॅंक खात्याचे लेखापरीक्षण (ऑडिट) करण्यात यावे, अशी मागणी मुसळे माने हिने पोलिसांकडे केली आहे.
डॉ. शिरीष वळसंगकर (Dr. Shirish Valsangkar) यांच्या आत्महत्या प्रकरणी अद्यापपर्यंत ठोस कारण पुढे आलेले नाही. या प्रकरणी सोलापूर शहरातील सदर बझार पोलिसांनी मनीषा मुसळे माने हिच्या विरोधात ७२० पानांचे आरोपपत्र दाखल केले आहे. हे आरोपपत्र दाखल झाल्यानंतर मनीषा मुसळे माने हिचे वकील प्रशांत नवगिरे यांनी जामिनाबाबत युक्तिवाद केला आणि तो ग्राह्य मानून जिल्हा व सत्र न्यायालयाने मनीषा मुसळे माने हिला जामीन मंजूर केला.
संशयित आरोपी मनीषा मुसळे माने (Manisha Musale Mane) ही सध्या जामिनावर बाहेर आहे. डॉ शिरीष वळसंगकर यांची पत्नी डॉ. उमा वळसंगकर यांनी काही दिवसांपूर्वी मुसळे माने हिच्या विरोधात आर्थिक अपहाराचा गुन्हा दाखल करण्यात यावा, यासाठीचे पत्र पोलिसांना दिले आहे. मनीषा मुसळे माने हिने वकिलाच्या माध्यमातून अर्ज देत आर्थिक मुद्यावर यापूर्वीच तपास करण्यात आलेला आहे. दोषारोपपत्रात त्यासंदर्भात साडेतीनशे पाने आहेत.
आर्थिक गैरव्यवहाराच्या मुद्यावर चौकशी करण्यासाठी तपास अधिकाऱ्यांनी मनीषा मुसळे माने हिची पोलिस कोठडी घेतली होती. या सर्व गोष्टींची आठवण मनीषाच्या वकिलाने पोलिसांना करून दिली आहे. एकीकडे डॉ. उमा वळसंगकर यांनी पोलिसांना मनीषा मुसळे माने हिच्या विरोधात आर्थिक अपहाराची तक्रार नव्याने दिली आहे.
डॉ. उमा वळसंगकर यांच्या मागणीनंतर मनीषा मुसळे माने हिनेही पोलिसांकडे वळसंगकर कुटुंबीयांच्या संदर्भातम एक महत्वपूर्ण मागणी केली आहे. रुग्णालयात आपण कोणत्याही प्रकार अपहार केलेला नाही. पण, मी रुग्णालयात आर्थिक अपहार केला की नाही? यातील सत्यता बाहेर यावी, यासाठी डॉ. शिरीष यांची पत्नी डॉ. उमा, मुलगा डॉ. अश्विन, सून डॉ. शोनाली आणि वळसंगकर हॉस्पिटलच्या बॅंक खात्याचे ऑडिट करण्यात यावे, अशी मागणी पोलिसांकडे केली आहे.
हॉस्पिटलच्या गोपनीय गोष्टींवर केले भाष्य
माझ्या बॅंक खात्यात कोठून रक्कम आली, याची तपासणी करण्यात आली. मात्र, वळसंगकर हॉस्पिटलसह डॉक्टरांच्या कुटुंबीयांची बॅंक खात्याची कोणतीही चौकशी करण्यात आली नाही. मात्र, सत्य परिस्थिती बाहेर येण्यासाठी हॉस्पिटलच्या हिशेबासाठी वापरले जाणारे ‘लाइफ लाइन मनोरमा’ हे स्वॉप्टवेअर, दैनंदिन आयपीडी फाइल्सचेही लेखापरीक्षण व्हावे’. त्यातून मी आर्थिक अपहार केला की नाही? हे स्पष्ट होईल, असे मुसळे माने हिने केलेल्या अर्जात नमूद म्हटल्याचे पोलिस सूत्रांनी सांगितले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
