Satara, 30 March : रमजान ईदच्या पार्श्वभूमीवर राज्याचे सार्वजनिक बांधकाम मंत्री शिवेंद्रसिंहराजे भोसले यांनी सातारा-जावली मतदारसंघातील मुस्लिम बांधवांना मोठे गिफ्ट दिले आहे. ईदच्या पार्श्वभूमीवर मंत्री शिवेंद्रसिंहराजे भोसलेंकडून मिळालेल्या या गिफ्टबद्दल मुस्लिम समाजातून समाधान व्यक्त होत आहे.
सातारा-जावली मतदारसंघातील मुस्लिम समाजाचे विविध कब्रस्थान तसेच मस्जिद परिसरातील विविध प्रकारची विकास कामे मार्गी लावण्यासाठी राज्याच्या अल्पसंख्याक विकास विभागाकडून तब्बल ५ कोटी रुपयांचा निधी शिवेंद्रसिंहराजे भोसले (Shivendrsinhraje Bhosale) यांनी मंजूर करून घेतला आहे. सातारा शहरातील १२ आणि जावली तालुक्यातील ४ गावांतील २० विकासकामे या निधीतून मार्गी लागणार आहे.
ईद सणाच्या पार्श्वभूमीवर शिवेंद्रसिंहराजेंनी मुस्लिम बांधवांना दिलेल्या अनोखे गिफ्ट दिल्याची चर्चा साताऱ्यात (Satara) आहे. मुस्लिम समाजाच्या कब्रस्थान तसेच मस्जिद परिसरातील विकासासाठी पाच कोटी रुपयांचा निधी उपलब्ध करून दिल्याबद्दल शिवेंद्रसिंहराजेंनी मुख्यमंत्री देवेंद्र फडणवीस, उपमुख्यमंत्री अजित पवार, एकनाथ शिंदे, अल्पसंख्यांक मंत्री दत्तात्रेय भरणे यांचे आभार मानले आहेत.
या निधीतून गेंडामाळ नाका कब्रस्थान, सदरबझार जामा मस्जिद, करंजे येथील आतारी कब्रस्थान, कुडाळ येथील कब्रस्थान, सरताळे येथील मस्जिद, रायगाव येथील मस्जिद, मेढा येथील मस्जिद परिसरात शेड उभारणे, ईदगाह मैदान सुशोभिकरण, अंतर्गत रस्‍ते, पाणी सुविधा, संरक्षक भिंत, विद्युतीकरण, काँक्रिटीकरण आदी विकासकामे करण्‍यात येणार आहेत.
या कामांसाठी निधी मिळावा, अशी मागणी मुस्‍मिल बांधवांकडून शिवेंद्रसिंहराजेंकडे करण्‍यात आली होती. त्या कामांसाठी निधी उपलब्ध करुन दिल्‍याने मुस्लिम बांधवांनी शिवेंद्रसिंहराजे यांचे आभार मानले आहेत. विशेष म्हणजे हा निधी शिवेंद्रसिंहराजे भोसले यांच्या वाढदिवसाच्या दिवशी मंजूर झाल्याने मुस्लीम बांधवांनी आनंद व्यक्त केला.
मंत्री शिवेंद्रसिंहराजे भोसले यांचा शनिवारी (ता. २९ मार्च) वाढदिवस होता. वाढदिवाच्या एका कार्यक्रमात बोलताना शिवेंद्रसिंहराजे भोसले यांनी मी मंत्री महाराष्ट्रासाठी असेन पण सातारकरांसाठी मी फक्त तुमचा बाबा आहे, हे लक्षात ठेवा. साताऱ्यात आल्यावर मी पहिला सातारकर आहे. मग बाकीचं, असेही मंत्री भोसले यांनी स्पष्ट केले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.