Kolhapur News, 18 Oct : डीबेंचरची रक्कम अधिक कपात केल्यानंतर काल गोकुळ दूध संघावर गोकुळच्या संचालिका शौमिका महाडिक यांच्या नेतृत्वाखाली मोर्चा निघाला. गोकुळच्या राजकारणाची मागील पार्श्वभूमी पाहता काँग्रेसचे नेते आमदार सतेज पाटील आणि माजी आमदार महादेवराव महाडिक गटातील संघर्ष सर्वश्रुत आहे.
अशातच पाटील गटाची सत्ता गोकुळवर असताना महाडिक यांनी काढलेला मोर्चा पाटील गटाच्या ही जिव्हारी लागला आहे. या मोर्चाचा आमदार सतेज पाटील यांनी देखील चांगलाच समाचार घेतला आहे. गाय आणि म्हैस दूध खरेदी दरात प्रति लिटर एक रुपयांची वाढ करून शेतकऱ्यांना मदत केली आहे.
एक प्रामाणिक हेतू घेऊन आम्ही गोकुळमध्ये काम करत आहोत. गोकुळ शेतकऱ्यांचा रहावा, कुणाच्याही एकट्याचा ताब्यात गोकुळ नको असं काम आम्ही केलं आहे. कुणाचा जावई मोठा करण्याचा आम्ही प्रयत्न केला नाही, असा टोला आमदार सतेज पाटील यांनी महाडिक यांचे नाव न घेता लगावला.
शेतकऱ्यांबद्दल आपुलकी आणि प्रेम आहे. डिबेंचरबाबत कायमस्वरूपी तोडगा काढला जाणार आहे. या जिल्ह्यात पुन्हा डिबेंचरचा मुद्दा येणार नाही याची काळजी घेऊ. संचालक बोर्डात ज्यांनी या मुद्द्यावर सह्या केल्या त्यांची नावं जाहीर करा. संचालक बोर्डात एक भूमिका घ्यायची आणि बाहेर एक भूमिका घेतली जाते, हे अत्यंत चुकीचं असल्याचं आमदार पाटील म्हणाले.
गोकुळ हा शेतकऱ्यांचा राहिला पाहिजे तो कोणता व्यापाऱ्यांचा व्हायला नको. कुण्या एकाच्या मालकीचा न राहता दूध उत्पादक मालकीचा हा संघ राहिला पाहिजे हीच भूमिका आमची आहे. त्यामुळे गोकुळला चांगली आणि नवीन दिशा देण्याचा प्रयत्न आपण सर्वजण मिळवन देऊया अशी साद आमदार पाटील यांनी घातली.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.