Gokul news: 'गोकूळ'मध्ये राजकीय खेळी करणाऱ्यांना शौमिका महाडिकांनी सुनावले खडेबोल; काय म्हणाल्या...

kolhapur News: कोल्हापूर जिल्ह्यातील गोकुळ दूध संघाची निवडणूक अंतिम टप्प्यात आली आहे. प्रारूप मतदार यादी समोर येण्यापूर्वी एसआयटी चौकशीतील 410 दूध संस्थांना आपले सभासदत्व रद्द का करू नये, अशी नोटीस प्रशासकांनी बजावली आहे.

या नोटीसी नंतर संस्थाचालकांनी एकत्र येत शनिवारी दूध संघावर मोर्चा काढला. त्यावर आज भाजपकडून गोकुळ दूध संघाच्या प्रशासकांना निवेदन देत गोकुळ संचालिका शोमिका महाडिक पडद्यामागून राजकीय खेळी करणाऱ्यांना चांगलेच खडेबोल सुनावले आहेत.

एसआयटी चौकशीनंतर ज्या 410 संस्थाना नोटीसा दिल्या आहेत. पण त्यासंदर्भात कोणता निर्णय घेतलेला नाही. म्हणणे, मांडण्यासाठी 22 जुलैपर्यंत वेळ दिला आहे. चर्चेशिवाय कोणताही निर्णय होणार नाही, असे असताना काही दुसऱ्या फळीतील कार्यकर्ते कोणाच्या तरी सांगण्यानुसार गोकुळवर मोर्चे काढले.

या संस्थाचे दूध गोकुळकडे येत असेल तर त्यांना उपविधी प्रमाणे ब वर्ग दर्जाचे सभासद मिळेल. त्यांचा गोकुळशी संबंध तुटणार नाही. मात्र मतदानाचा अधिकार असणार की नाही याबाबत प्रशासक ठरवतील. नियमानुसार जे आहे ती कारवाई करावी याबाबत आपण निवेदन दिले आहे.

अनेकजण म्हणत आहेत की यांचे सभासद व रद्द केले तर गोकुळला आर्थिक फटका बसेल. शिवाय संस्थांवर उपासमारीची वेळ येईल. पण कोणत्याही संस्थांवर उपासमारीची वेळ येणार नाही. गोकुळ दूध संघाबाबत अशा संस्थांचा आर्थिक व्यवहार चालू राहील. या संस्था ब वर्गातील राहतील.राजकीय हस्तक्षेप नाही वाढवला तर प्रशासन चांगले काम करेल. प्रशासक आणि संस्थांमध्ये समन्वय घडवण्याचा काम राजकीय लोकांचे आहे. संस्थांना प्रशासकांच्या विरोधात भडकवून हे राजकीय लोकांचं काम नाही, असे खडे बोल देखील महाडिक यांनी सुनावले.

गोकुळच्या संस्थांचे राजकीय भांडवल करू नका. जी लोक नव्याने महायुतीमध्ये आली आहेत.आपण काहीतरी बोललो म्हणजे नेते खुश होतील.अशी लोक याचा राजकीय भांडवल करत. असही त्या म्हणाल्या.