Kolhapur News : इतिहास संशोधक इंग्रजीत सावंत धमकी प्रकरण आणि छत्रपती संभाजी महाराज शिवाजी महाराज यांच्या आक्षेपार्ह विधानानंतरही कोल्हापूर जिल्हा सत्र न्यायालयाकडून प्रशांत कोरटकर याला पुन्हा एकदा अटकेपासून दिलासा मिळाला आहे. कोरटकर याला अटक होणार नसून 17 मार्च रोजी पुढील सुनावणी होणार आहे. कोल्हापूर (Kolhapur) जिल्हा सत्र न्यायालयात बुधवारी (ता.12) त्यांनी हजर राहावे की नाही, याबाबत सुनावणी पार पडली. यावेळी न्यायालयाने हे निर्देश दिले आहेत.
छत्रपती शिवाजी महाराज यांच्याबद्दल आक्षेपार्ह विधान करणाऱ्या आणि इतिहास संशोधक इंद्रजीत सावंत (Indrajeet Sawant) यांना धमकी देणाऱ्या प्रशांत कोरटकरला मंगळवारी मुंबई उच्च न्यायालयाने झटका दिला होता. तर उच्च न्यायालयाकडून कोल्हापूर जिल्हा सत्र न्यायालय देखील पहिल्या सुनावणी बाबत ताशेरे ओढले होते.
दरम्यान, स्थानिक कोर्टात आमची बाजू ऐकून घेतली नाही. त्यामुळे मंगळवारी दुपारी कोल्हापूर न्यायालयात होणाऱ्या सुनावणीत सरकारी पक्षाची बाजू ऐकून घेण्याची विनंती मुंबई उच्च न्यायालयात सरकारी वकिलांनी केली होती. त्यानुसार, मंगळवारी सुनावणी झाली.
जुना राजवाडा पोलीस ठाण्याने आणि राज्य सरकारकडून कोरटकर याचा अंतरिम जामीन रद्द करण्याची मागणी केली होती. त्यावर उच्च न्यायालयाने कोरटकरला दिलेला अंतरिम दिलासा आज संपतोय. त्यामुळे सत्र न्यायालयाचा आदेश रद्द करण्याची गरज नाही. असे स्पष्ट होते.
धमकी प्रकरणानंतर इतिहास संशोधक इंद्रजीत सावंत यांनी आपला मोबाईल फॉरेनचीकडे पुढील तपासासाठी दिला आहे. तर प्रशांत कोरटकर (Prashant Koratkar) यांच्या आवाजाचे सॅम्पल घेण्यासाठी आणि पुढील तपासासाठी त्याचा मोबाईल नागपूर पोलिसांनी कोल्हापूर पोलिसांच्या ताब्यात दिला आहे. मात्र, कोरटकर यांनी मोबाईल देण्यापूर्वी त्यामधील सर्वच डाटा डिलीट करण्यात आला असल्याची धक्कादायक माहिती पोलीस तपासात पुढे आले आहे.
धमकी प्रकरणात हा आवाज आपला नसल्याचा दावा कोरटकर यांनी केला होता. जर संबंधच नव्हता तर डेटा डिलीट करण्याचं कारण काय? असा सवाल देखील तक्रारदारांनी उपस्थित केला आहे.
(२५ वर्षे पूर्ण करणारा ई-सकाळ आता का्ॅमस्कोअरमध्ये नंबर १. डिजिटल माध्यमांच्या क्षेत्रातली नवी झेप)
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.