Karad Maratha Protest : जालन्याच्या घटनेचा कराडात निषेध; गृहमंत्र्यांच्या राजीनाम्याची मागणी...

-हेमंत पवार

Karad Maratha Protest : जालना येथे मराठा समाजाला आरक्षण मिळावे यासाठी उपोषणाला बसलेल्या तरुणांवर पोलिसांनी लाठीहल्ला केला. या हल्ल्याचा मराठा क्रांती मोर्चाने आज शनिवारी कऱ्हाडच्या दत्त चौकात छत्रपती शिवाजी महाराज यांना अभिवादन करुन निषेध नोंदवला. 15 सप्टेंबरपर्यंत संबंधितावर कारवाई न झाल्यास तीव्र आंदोलनाचा इशारा दिला. तसेच गृहमंत्र्यांनी राजीनामा द्यावा, अशी मागणी समाजाच्या वतीने करण्यात आली.

अंतरवेली (जालना) येथे मराठा Maratha समाजाच्या आंदोलकांवर झालेल्या पोलीस Police लाठीमाराच्या तीव्र प्रतिक्रिया उमटत आहेत. राज्यभरात त्याचे पडसाद उमटत आहेत. या लाठीमाराच्या निषेधार्थ आज मराठा क्रांती मोर्चाच्यावतीने कऱ्हाड (जि.सातारा) Karad येथील दत्त चौकात निषेध करण्यात आला.

जालना येथील पोलिस लाठीमाराची संतप्त प्रतिक्रिया उमटल्या आहेत. जालना येथे मराठा समाजाला आरक्षण मिळावे यासाठी उपोषणाला बसलेल्या तरुणांवर पोलिसांनी लाठीहल्ला केला. या हल्ल्याचा मराठा क्रांती मोर्चाच्यावतीने आज शनिवारी राज्यभर निषेध नोंदवण्यात येत आहे.

कऱ्हाडच्या दत्त चौकात छत्रपती शिवाजी महाराज यांना अभिवादन करुन निषेध नोंदवण्यात आला. अमानुषपणे तरुणांना मारहाण करणाऱ्या पोलिसांना निलंबित करण्यात करावे, अशी मागणी करण्यात आली. 15 सप्टेंबरपर्यंत संबंधितावर कारवाई न झाल्यास तीव्र आंदोलनाचा इशारा देत गृहमंत्र्यांनी राजीनामा द्यावा अशी मागणी यावेळी मराठा समाजाच्या वतीने करण्यात आली.

Edited By Umesh Bambare