5 Kolhapur News : कोल्हापूर महानगरपालिका निवडणूकीच्या रणधुमाळीला सुरूवात झाली आहे. जिल्ह्यात काँग्रेसला नगरपालिका निवडणुकीत अपेक्षित यश मिळाले नाही, परंतु आगामी महानगरपालिकेसाठी काँग्रेस पुन्हा नव्या दमाने कामाला लागल्याचे पहायला मिळत आहे. मंगळवार (ता.23) काँग्रेस जिल्हा कार्यालय काँग्रेसचे जिल्हाध्यक्ष, आमदार सतेज पाटील यांची पत्रकार परिषद पार पडली.
यावेळी सतेज पाटील यांनी आमच्या उमेदवारांवर दबाव येत असल्याचा आरोप केला. जे उमेदवार बांधकाम क्षेत्रात आहेत त्यांना बांधकाम विभागातील एडीटीपीमधून फोन येत आहेत. पण अधिकाऱ्यांना मी सांगितलं आहे. 16 तारखेनंतर आम्हीच आहोत, असा इशारा यावेळी बोलताना पाटील यांनी दिला.
कोल्हापूर महानगरपालिका निवडणुकीच्या निमित्ताने मंगळवारी (ता.23) काँग्रेसच्या प्रचाराची टॅगलाईनची घोषणा करण्यात आली. "कोल्हापूर कसं तर तुम्ही म्हणशीला तसं"!! ही टॅगलाईन आम्ही घेऊन आलो आहोत. कोल्हापुरातील नागरिकांकडून आम्ही सूचना मागवून घेणार आहोत. मूळचे कोल्हापूरचे असलेले पण देश-परदेशात राहणाऱ्या नागरिकांकडून देखील अपेक्षा मागून घेतल्या जाणार आहेत, असे सतेज पाटील यावेळी म्हणाले. 400 पेक्षा जास्त इच्छुकांनी तुमच्याकडे उमेदवारीची मागणी केली आहे.
वार्डचा जाहीरनामा देखील आम्ही सादर करणार आहोत. पुढच्या 6 दिवसात लोकांकडून सूचना मागवून काँग्रेसचा जाहीरनामा लोकांसमोर ठेवणार. गेले 15 दिवस आम्ही महाविकास आघाडीशी चर्चा करत आहे. आज संध्याकाळपर्यंत शिवसेनासोबत जागा वाटपावर शिक्कामोर्तब होईल. राष्ट्रवादी काँग्रेस पक्ष शरद पवार गट यांच्यासोबत देखील आमची चर्चा सुरू आहे. काँग्रेस पक्षाचे उमेदवार एकत्रित जाऊन उमेदवारी अर्ज भरणार आहेत, असेही पाटील यांनी सांगितले.
पुण्यामध्ये महापालिकेसाठी उपमुख्यमंत्री अजित पवार यांचा फोन आला होता, याबाबत दुमत नाही. मात्र अजितदादांचा फोन कोल्हापूर किंवा इचलकरंजीसाठी आला नाही. पुण्यात महाविकास आघाडी म्हणून देखील आमचा प्लॅन तयार आहे. कोल्हापुरात आम्ही राष्ट्रवादी काँग्रेस पक्ष अजित पवार यांच्यासोबत कोणतीही चर्चा केली नसल्याचे स्पष्टीकरण सतेज पाटील यांनी दिले.
यावेळी बोलताना आमदार पाटील म्हणाले मुंबईत आम्ही 227 जागा लढण्याची तयारी केली आहे. मुंबईत काही छोट्या घटक पक्षांसोबत चर्चा करण्याचं काम सुरू आहे. मुंबई काँग्रेस (Congress) आणि वंचित यांच्यामध्ये देखील चर्चा सुरू आहे. मुंबईला विकसित करणे ही काँग्रेसची प्राथमिकता असणार आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.