Kolhapur News: कोल्हापूर जिल्ह्यातील एकमेकांचे कट्टर राजकीय विरोधक असलेले काँग्रेसचे आमदार, माजी मंत्री सतेज पाटील आणि आमदार अमल महाडिक हे पहिल्यांदाच एका प्रश्नावरून एकत्र आले. कोल्हापूर जिल्हाधिकारी कार्यालयात बैठकीच्या निमित्ताने हे दोघेही एकच भूमिका घेत पालकमंत्र्यांसमोर चर्चा केली.
दोघांचीही भूमिका एकच राहिल्याने त्याची चर्चा सध्या जिल्हाधिकारी कार्यालयात जोरात सुरू झाली. गेल्या काही दिवसांपासून सुरक्षेच्या कारणावरून कोल्हापूर विमानतळ जवळील जिल्हा प्रशासनाने उजळाईवाडी ते तामगाव हा रस्ता वाहतुकीसाठी बंद करण्यात आला आहे. मात्र हा रस्ता तत्काळ चालू करावा अशी मागणी ग्रामस्थांनी केली आहे.
आज सकाळी हा रस्ता सुरू करण्यासंदर्भात नेर्लि, तामगाव हलसवडे, उजळाईवाडी, सांगवडेवाडी तील ग्रामस्थांनी विमानतळ ते आंदोलन केले. यासंदर्भातच काँग्रेस नेते आमदार सतेज पाटील आणि कोल्हापूर दक्षिण विधानसभा मतदारसंघाचे आमदार अमल महाडिक यांनी कोल्हापूर जिल्हाधिकारी कार्यालयात पालकमंत्री प्रकाश आबिटकर यांची भेट घेतली.
महाडिक आणि सतेज पाटलांच्यात पहिल्यांदाच एकमत झाल्याचे पाहायला मिळाले. दोघांनी एकत्र येत पालकमंत्री प्रकाश अबीटकर यांच्या समोर निवेदन केले. कोल्हापूर विमानतळाजवळचा रस्ता बंद केल्याने पर्यायी रस्ता तातडीने करण्याची मागणी केली.
सतेज पाटील यानी ऋतुराज पाटील यांचा फंड रस्त्याला दिल्याची माहिती दिली. तर विद्यमान आमदार अमल महाडिक यांनीही आपली बाजूची भूमिका मांडली. मात्र विकासासाठी आणि जनतेच्या प्रश्नासाठी हे दोघे एकत्र आल्याने चर्चेला उधाण आले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.