MLA Prakash Awade News : स्वाभिमानीच्या महिला कार्यकर्त्यांना आमदार आवाडेंनी दिली उद्धट उत्तरे...

Kolhapur Political News : मागील दीड महिन्यापासून स्वाभिमानी शेतकरी संघटनेचे ऊसदर आणि मागील हंगामातील 400 रुपये दरावरून आंदोलन सुरू आहे. आता मात्र कोल्हापूर जिल्ह्यात हे आंदोलन चिघळले असूनही कारखानदार आपल्या भूमिकेवर ठाम आहेत. कारखानदारांना अन् आमदार - खासदारांना दिवाळीचा फराळ म्हणून खर्डा भाकरी चारून निषेध व्यक्त करण्याच येत आहे. आमदार प्रकाश आवाडे यांना स्वाभिमानीच्या महिला कार्यकर्त्यांनी खर्डा भाकर देत असताना त्यांनी आंदोलकांना उद्धट उत्तरे दिली. (Latest Marathi News)

ऊस उत्पादक शेतकऱ्यांना सरकार व कारखानदारांनी वाऱ्यावर सोडले आहे. आंदोलनात कसलाही तोडगा न काढल्याने शेतकऱ्यांची दिवाळी रस्त्यावर गेली यामुळे दिपावली भाऊबीज निमित्त स्वाभिमानी महिला आघाडीच्या वतीने आमदार आवाडे यांना खर्डा भाकरी देवून ओवाळणी करण्यात आली.

दरम्यान आमदार आवाडे यांनी महिलांशी उद्धट उत्तरे दिली. स्वाभिमानीच्या मागण्यांवर आवाडे म्हणाले, "तुम्ही चुकीच्या वेळी आंदोलने करत आहात. आम्हाला पैसे द्यायला जमत नाही. दंगा करायचं नाही एकट्यानेच बोलायचं. यावेळी सोबत गेलेल्या कार्यकर्त्यांना आत डावात ये, बाजूला का राहिला आहेस? अशा पध्दतीने मग्रुरीने बोलून त्यांनी स्वाभिमानीच्या आंदोलक महिलांना आल्या पावली परत पाठविले.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

(Edited By - Chetan Zadpe)