Ajit Pawar : अजितदादांना धक्का; जिल्हाध्यक्षानेच राजीनामा देत थोपटले राष्ट्रवादीविरोधात दंड, आता शिवसेना-भाजपसह शरद पवारांची राष्ट्रवादीही रसद पुरवणार

Pune News : नगरपालिका, नगरपंचायतीच्या निवडणुका आता ऐन रंगात आल्या आहेत. अशातच पुणे जिल्ह्यातून एक महत्त्वाची घडामोडी समोर येत आहे. उपमुख्यमंत्री अजित पवार यांच्या राष्ट्रवादी काँग्रेसचे जिल्हाध्यक्ष असलेले प्रदीप गारटकर हे पक्षाला सोडचिट्टी देणार असून पक्षाच्या विरोधातच दंड थोपाटणार असल्याचं आता निश्चित झाला आहे.

इंदापूर नगरपरिषदेच्या नगराध्यक्ष पदाच्या उमेदवारीवरून राष्ट्रवादी काँग्रेसमध्ये मोठा अंतर्गत वाद निर्माण झाला आहे. माजी उपनगराध्यक्ष भरत शहा यांना उमेदवारी देण्यास जिल्हाध्यक्ष प्रदीप गारटकर यांच्या समर्थकांनी कडाडून विरोध केला होता. पक्षाने आपल्याला नगराध्यक्ष पदाची उमेदवारी द्यावी, अशी मागणी गारटकर यांनी केली होती. तसेच गारटकर यांनी, आमच्यावर अन्याय केला तर आम्ही शांत बसणार नाही, असा स्पष्ट इशारा पक्ष नेतृत्वाला दिला होता.

हा इशारा दिल्यानंतर देखील पक्षाने शहा यांना उमेदवारी दिली असून त्यांनी उमेदवारी अर्ज देखील दाखल केला आहे. यानंतर प्रदीप गारटकर यांनी बंडाचे निशांत फडकवले. आता आपण पक्षाचा जिल्हाध्यक्ष पदाचा राजीनामा देऊन राष्ट्रवादी काँग्रेसच्या अधिकृत उमेदवारा विरोधात निवडणूक रिंगणात उतरणार असल्याची त्यांनी घोषणा केली आहे.

आतापर्यंत अनेकदा आपण पक्षाकडे विविध गोष्टी मागितल्या मात्र त्या आपल्याला मिळाल्या नाहीत. पक्षाचे निष्ठेने काम करूनही आपल्याला डावललं. यंदा नगराध्यक्ष पदाची उमेदवारी मिळावी अशी मागणी पक्षाकडे केली होती. मात्र वारंवार याबाबत माझ्यावर अन्याय झाला असून आता हा अन्याय सहन करणार नसल्याचं गारटकर यांनी सांगितला आहे.

तसेच नवीन विकास आघाडी निर्माण करून त्या माध्यमातून नगराध्यक्ष पदाचा उमेदवारी अर्ज आपण उद्या दाखल करणार असल्याचे देखील त्यांनी सांगितला आहे. तसेच नगराध्यक्ष पदासाठी आपल्याला इतर पक्षांचा देखील पाठिंबा मिळणार असल्याचा दावा देखील गारकर यांनी केला आहे.

दरम्यान अजित पवार यांनी शहा यांना नगराध्यक्ष पदाच्या रेस मध्ये उतरवल्यानंतर आता भाजप, शिवसेना आणि शरद पवार यांची राष्ट्रवादी काँग्रेस उपमुख्यमंत्री अजित पवार यांच्या उमेदवाराविरोधात प्रदीप यांना पाठिंबा देणार असल्याचं बोललं जात आहे. याबाबत अधिकृत जरी घोषणा झालेली नसली तरी अंतर्गत चर्चा सुरू असल्याचं बोललं जात आहे.त्यामुळे एक नवी मोठी आघाडी अजित पवारांच्या विरोधात पुणे जिल्ह्यामध्ये तयार होत असल्याचे पाहायला मिळत आहे.

FAQs :

1. प्रदीप गारटकर यांनी बंड का केलं?

पक्षातील निर्णय आणि अजित पवार गटाविषयी नाराजीमुळे ते बंडखोरीच्या भूमिकेत असल्याची चर्चा आहे.

2. ते कोणत्या निवडणुकीत पक्षाविरोधात उभे राहणार आहेत?

नगरपालिका आणि नगरपंचायत निवडणुकांच्या पार्श्वभूमीवर ते बंड करणार आहेत.

3. कोणते पक्ष त्यांना समर्थन देऊ शकतात?

भाजप, शिवसेना आणि शरद पवार गटाची राष्ट्रवादी त्यांना पाठिंबा देऊ शकते, असे बोलले जात आहे.

4. या बंडाचा परिणाम काय होऊ शकतो?

अजित पवारांच्या गटाला मोठा धक्का बसू शकतो आणि स्थानिक राजकारणात नवीन समीकरणे तयार होऊ शकतात.

5. ते अधिकृतपणे पक्ष सोडणार आहेत का?

हो, ते राष्ट्रवादी काँग्रेस सोडण्याची शक्यता अत्यंत जास्त असल्याचे स्रोत सांगतात.