Pune Rave Party : रेव्ह पार्टी प्रकरणात न्यायालयाचा मोठा निर्णय! खडसेंच्या जावयासह 7 जणांना पोलीस कोठडीत

Summary :

1. पुण्यातील खाराडी भागात सुरू असलेल्या हाय प्रोफाईल रेव्ह पार्टीवर पोलिसांनी छापा टाकून प्रांजल खेवलकरसह सात जणांना अटक केली.

2. प्रांजल खेवलकर हे राष्ट्रवादी काँग्रेसच्या नेते एकनाथ खडसे यांचे जावई आणि महिला प्रदेशाध्यक्षा रोहिणी खडसे यांचे पती आहेत.

3. न्यायालयाने सर्व सात आरोपींना दोन दिवसांची पोलिस कोठडी सुनावली असून राज्यात या प्रकरणावरून राजकीय आरोप-प्रत्यारोप सुरू आहेत.

Pune News : पुण्यातील रेव्ह पार्टी प्रकरणाने राज्याच्या राजकारणात खळबळ उडवून दिली असून यात सात जणांना अटक झाली आहे. पुण्याच्या खराडी परिसरात सुरू असणारी हाय प्रोफाईल रेव्ह पार्टी गुन्हे शाखेच्या पोलिसांनी उधळून लावत पाच पुरुषांसह दोन महिलांना अटक केली. धक्कादायक म्हणजे या प्रकरणात राष्ट्रवादी (शरदचंद्र पवार) पक्षाचे ज्येष्ठ नेते एकनाथ खडसे यांचे जावई व महिला प्रदेशाध्यक्षा रोहिणी खडसे यांचे पती प्रांजल खेवलकर यांचा समावेश आहे. यामुळे एकनाथ खडसेंसह रोहिणी खडसेंवर आता टीका होताना दिसत आहे. दरम्यान खेवलकर यांच्यासह 7 जणांना खराडी पोलिसांनी न्यायालयात हजर केले असता न्यायालयाने दोन दिवसांची पोलीस कोठडी सुनावली आहे. (Eknath Khadse’s son-in-law and Rohini Khadse’s husband Pranjal Khewalkar arrested and sent to two-day police custody in high-profile Pune rave party drug case)

पुण्याच्या खराडी परिसरात शनिवारी (दि. 26) रात्री एका फ्लॅटवर हाय प्रोफाईल रेव्ह पार्टी सुरू असल्याची माहिती गुन्हे शाखेच्या पोलिसांना मिळाली. त्यानंतर येथे पालिसांनी कारवाई केली. ज्यात प्रांजल खेलवलकर यांच्यासह 7 जणांना अटक करण्यात आली. तसेच पोलिसांनी झाडाझडती घेतल्यावर कोकेन सदृश पदार्थ जप्त करण्यात आला. तसेच दुपारी 3.30 वाजता या सर्वांना कोर्टात हजर केल्यानंतर दोन दिवसांची पोलीस कोठडी सुनावली आहे.

दरम्यान आता याप्रकरणात मोठी व धक्कादायक अपडेट समोर आली असून रेव्ह पार्टीसाठी हॉटेल खडसेंचे जावई प्रांजल खेवलकर यांच्या नावे झाल्याचे समोर आले आहे. त्याच्या बुकिंगच्या पावत्या देखील समोर आल्या आहेत. दरम्यान या प्रकरणात अटक करण्यात आलेल्या सात जणांकडून 41 लाख रुपयांसह 2.70 ग्रॉम कोकेन सदृश पदार्थ आणि 70 ग्रॉम गांजा सदृश पदार्थ जप्त करण्यात आला आहे.

या प्रकरणात प्रांजल मनिष खेवलकर (वय 41), निखिल जेठानंद पोपटाणी (वय 35), समीर फकीर महमंद सय्यद (वय 41) सचिन सोनाजी भोंबे (वय 42), श्रीपाद मोहन यादव (वय 27) ईशा देवज्योत सिंग (वय 22), प्राची गोपाल शर्मा (वय 23) या सात जणांना अटक करण्यात आली आहे. तर न्यायालयाने प्रांजल खेवलकरसह सात जनांना दोन दिवसांची कोठडी सुनावली असून 29 जुलैपर्यंत त्यांना पोलीस कोठडीत राहवं लागणार आहे.

FAQs :

1. पुण्यातील रेव्ह पार्टी प्रकरणात कोणाला अटक झाली आहे?
→ प्रांजल खेवलकरसह सात जणांना अटक करण्यात आली असून ते राष्ट्रवादी नेते एकनाथ खडसे यांचे जावई आहेत.

2. प्रांजल खेवलकर कोण आहेत?
→ ते रोहिणी खडसे यांचे पती आणि एकनाथ खडसे यांचे जावई असून राष्ट्रवादी काँग्रेसशी संबंधित आहेत.

3. न्यायालयाचा निर्णय काय होता?
→ न्यायालयाने प्रांजल खेवलकर यांच्यासह सात आरोपींना दोन दिवसांची पोलिस कोठडी सुनावली आहे.

4. या प्रकरणामुळे राजकीय परिणाम काय होऊ शकतात?
→ खडसे कुटुंबावर टीका वाढली असून राष्ट्रवादी पक्षावर दबाव वाढत आहे.

5. पार्टी कुठे होती आणि काय सापडलं?
→ पार्टी पुण्याच्या खाराडी भागात होती आणि तिथे ड्रग्ससह इतर संशयास्पद वस्तू सापडल्या आहेत.