Sangli ZP : ऑपरेशन लोटसला चकवा, सांगली जिल्हा परिषदेमध्ये महाविकास आघाडीची सत्ता फिक्स! 36 सदस्य अज्ञातस्थळी

Sangli News : सांगली जिल्हा परिषदेमध्ये कोणाची सत्ता येणार, हे अद्यापही निश्चित होऊ शकले नाही. मात्र, भाजपच्या ऑपरेशन लोटसला चकवा देत महाविकास आघाडीकडून सत्ता स्थापनेसाठी हालचाली करण्यात आली आहे. अजित पवारांच्या राष्ट्रवादी काँग्रेसमधील काही सदस्यांना सोबत घेत ही सत्ता स्थापन करण्याची रणनीती निश्चित झाली आहे. सांगली जिल्हा परिषदेमध्ये 61 सदस्य आहेत. बहुमतासाठी 32 सदस्यांची आवश्यकता आहे.

महाविकास आघाडीचे 36 सदस्य अज्ञातस्थळी गेले आहेत. भाजपच्या ऑपरेशन लोटसला रोखण्यासाठी ही खेळ करण्यात आली आहे. आज आमदार जयंत पाटील आणि आमदार विश्विजत कदम यांच्यामध्ये सत्ता स्थापने संदर्भात बैठक होणार आहे.

मंगळवारी दोन्ही राष्ट्रवादीची बैठक होणार आहे. त्यानंतर बुधवारी अध्यक्ष आणि उपाध्यक्ष पदाचे नेमके धोरणे काय असेल? अध्यक्ष, उपाध्यक्ष कोणत्या पक्षाकडे असेल, सत्तेची विभागणी कशी असेल याचे चित्र स्पष्ट होईल.

भाजप आणि महायुतीमधील मित्र पक्ष मिळून सत्तेच्या जवळ होते. मात्र, अजित पवारांच्या राष्ट्रवादी काँग्रेसच्या सदस्य, नेत्यांचा भाजपसोबत जाण्यास विरोध होता. तर, एकनाथ शिंदेंची शिवसेना देखील भाजपसोबत जाण्यास फारशी अनुकूल दिसत नाही. त्यामुळे भाजपची सत्ता येण्याची शक्यता कमी असल्याची चर्चा सांगलीच्या राजकीय वर्तुळात आहे.

पक्षीय बलाबल

भाजप - 16

राष्ट्रवादी (अजित पवार) - ०6

शिवसेना (शिंदे) - 07

रयत क्रांती संघटना -01

जनसुराज्य शक्ती पक्ष -01

काँग्रेस -11

राष्ट्रवादी काँग्रेस (शरद पवार) - 18

शिवसेना (ठाकरे) -01