Pune News : अधिवेशन काळामध्ये कृषी मंत्री माणिकराव कोकाटे हे मोबाईलवर रमी खेळत असल्याचा दावा करत राष्ट्रवादी काँग्रेसचे शरदचंद्र पवार पक्षाचे आमदार रोहित पवार यांनी सोशल मीडियावर एक व्हिडिओ पोस्ट केला होता. या व्हिडिओमुळे राजकीय वर्तुळात खळबळ निर्माण झाली असून माणिकराव कोकाटे (Manikrao Kokate) यांचा कृषिमंत्री पदाचा राजीनामा घ्यावा अशी मागणी विरोधकांकडून करण्यात येत आहे.
मात्र, सध्या कोकाटे यांच्या राजीनामा बाबत सरकारकडून कोणतीही भूमिका समोर आलेली नाही. त्यामुळे कोकाटे यांना मुख्यमंत्री देवेंद्र फडणवीस आणि उपमुख्यमंत्री अजित पवार हे का ? वाचवत आहेत असा सवाल देखील विरोधक उपस्थित करत आहेत. अशातच शेतकरी नेते राजू शेट्टी यांनी एक वेगळाच संशय व्यक्त केला आहे.
शेतकरी नेते राजू शेट्टी (Raju Shetti) यांनी पुण्यामध्ये पत्रकारांशी संवाद साधला. राजू शेट्टी म्हणाले, असा नादान आणि शेतकऱ्यांची अवहेलना करणारा कृषी मंत्री आम्ही पाहिलेला नाही. स्वतःच्या मंत्रालयाला ओसाड गावची पाटील की म्हणणाऱ्या व्यक्तीला मंत्रीपदावर का ? ठेवण्यात आला आहे हाच आम्हाला प्रश्न पडला आहे.
माणिकराव कोकाटे यांनी शेतकऱ्याची तुलना भिकाऱ्याबरोबर केली. अवकाळी पावसाने त्रस्त शेतकऱ्यांनी पंचनामाची मागणी केल्यानंतर पंचनामे काही ढेकळाचे करायचे का? असं कोकाटे म्हणाले. तसंच शेतकरी कर्जमाफीचे पैसे साखरपुडा आणि लग्नामध्ये उधळतो असा देखील आरोप त्यांनी केला. त्यानंतर आता ते सर्वोच्च सभागृहात जर रमी खेळत असतील तर त्यांना मंत्रीपदातून मुक्त करून पूर्ण वेळ रमी खेळू द्या आमचं काही म्हणणं नाही असं राजू शेट्टी म्हणाले.
अशाप्रकारची विधानं केल्यानंतर देखील माणिकराव कोकाटे हे अजून मंत्रिपदावर आहेत. त्यामुळे मुख्यमंत्री देवेंद्र फडणवीस आणि उपमुख्यमंत्री अजित पवार यांना मला एकच प्रश्न विचारायचा आहे की माणिकराव कोकाटे यांना तुमची काही गुपित माहिती आहेत का ? ज्यामुळे तुम्ही त्यांच्यावर कारवाई करायला घाबरत आहात. तुमची हिंमत होत नाहीये, त्यांच्यावर ती कारवाई करण्याची असा संशय राजू शेट्टी यांनी व्यक्त केला आहे
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.