पुण्यातील खराडी येथे झालेल्या रेव्ह पार्टीत प्रज्वल खेवलकर (एकनाथ खडसे यांचे जावई) यांना अटक करण्यात आली आहे.
या प्रकरणामुळे राष्ट्रवादी काँग्रेस (शरद पवार गट) मध्ये मोठी खळबळ उडाली असून, राजकीय आरोप-प्रत्यारोप सुरू झाले आहेत.
महिला आयोगाच्या रूपाली चाकणकर यांनी रोहिणी खडसेंबाबत सहानुभूती व्यक्त करत, त्यांच्या भावना समजून घेण्याचे मत मांडले.
Pune News : पुण्यातील खराडी येथे झालेल्या रेव पार्टी प्रकरणामध्ये राष्ट्रवादी काँग्रेस शरदचंद्र पवार पक्षाच्या ज्येष्ठ नेते एकनाथ खडसे यांचे जावई आणि पक्षाच्या महिला प्रदेशाध्यक्ष रोहिणी खडसे यांचे पती प्रज्वल खेवलकर यांना अटक करण्यात आली. सुरुवातीपासूनच या प्रकरणांमध्ये राजकीय आरोप प्रत्यारोपाच्या फैरी झडताना पाहायला मिळत आहेत. (Kharadi Rave Party Shock: NCP Leader Eknath Khadse’s Son-in-law Prajwal Khevalkar Arrested, Rupali Chakankar Expresses Sympathy for Rohini Khadse)
प्रज्वल खेवलकर यांना कट रचून या प्रकरणांमध्ये अडकवण्यात आले असल्याचा आरोप सातत्याने विरोधकांकडून करण्यात येत आहे. तर महिला आयोगाच्या अध्यक्षा रूपाली चाकणकर यांनी देखील या प्रकरणांमध्ये सातत्याने आपली भूमिका मांडताना पाहायला मिळत आहेत.
काही दिवसांपूर्वी एक बहुद्देशीय सेवाभावी संस्थेने खेवलकर यांच्याविरोधात राज्य महिला आयोगाकडे तक्रार दाखल केली होती. तक्रारीत खेवलकर यांनी खराडी येथील एक हॉटेल 28 वेळा बुक केल्याचा दावा करण्यात आला होता. तसेच अनेकदा मुलींना तिथे बोलावल्याचा आणि मानवी तस्करीच्या रॅकेटचा भाग असल्याचा संशय व्यक्त केला होता.
याप्रकरणी राज्य महिला आयोगाने पुणे पोलिसांना चौकशी अहवाल सादर करण्याचे आदेश दिले होते. याबाबतची माहिती रूपाली चाकणकर यांनी एक्सवर पोस्ट करून दिली होती. त्यानंतर त्या पोस्टला रोहिणी खडसेंनी देखील रिपोस्टद्वारे उत्तर दिलं होते. त्यांनी, आपलाच बॉल, आपलीच बॅट आणि आपणच सिक्सर मारणार! सगळं व्यवस्थित स्क्रीप्टनुसार सुरू आहे, असा आरोप केला होता.
यानंतर आता चाकणकर यांनी पोलिसांकडून मिळालेल्या अहवालाच्या अनुषंगाने या प्रकरणात गंभीर आरोप केले आहेत. रूपाली चाकणकर म्हणाल्या, प्रांजल खेवलकर यांच्या मोबाईलमध्ये हिडन फोल्डरमध्ये नग्न आणि अर्धनग्न फोटो, व्हिडिओ आढळले आहेत. महिलांना चित्रपटात काम देतो म्हणून बोलवून घेण्यात आले होते. लोणावळा, साकीनाका येथे पार्ट्या झाल्या आहेत. त्यांच्यावर अत्याचार करण्यात आलेला आहे. महिलांसोबत आपत्तीजनक चॅटिंग केलं आहे. 1 हजार 749 अधिक लग्न फोटो आणि व्हिडिओ सापडले आहेत. 234 फोटो 29 व्हिडिओ अश्लील आहेत, नशा देऊन लैंगिक अत्याचार केलेले आहेत. हे फोटो, व्हिडिओ ब्लॅकमेल करण्यासाठी वापरले जात होते.
एकीकडे या प्रकरणातील माहिती उघड करताना दुसरीकडे रूपाली चाकणकर यांनी रोहिणी खडसेंबाबत आपल्याला सहानुभूती वाटत असल्याचे सांगितले आहे. रूपाली चाकणकर म्हणाल्या, मला एकतर या सगळ्या गोष्टी समोर आल्यानंतर रोहिणी खडसेंबाबत सहानुभूती वाटत आहे. एकतर या सर्व गोष्टी त्यांना माहित झाल्यानंतर त्यांच्या मनामधील बरेचसे गैरसमज दूर होतील. अथवा त्यांना हे सर्व माहित असेल आणि त्या या सर्व गोष्टींचा समर्थन करत असतील, हेच अधोरेखित होईल. पण जर का त्यांनी याचे समर्थन केले तर एखाद्या गुन्ह्याचं समर्थन करणं म्हणजेच तो देखील गुन्हा ठरू शकतो. तसेच या सगळ्या गोष्टी रोहिणी खडसे यांना स्क्रिप्टेड वाटत असतील तर त्या त्यांनी कोर्टात सांगाव्या असाही टोला चाकणकर यांनी रोहिणी खडसेंना लगावला आहे.
प्र.1: खराडी रेव्ह पार्टी प्रकरणात कोणाला अटक करण्यात आली आहे?
उ: एकनाथ खडसे यांचे जावई प्रज्वल खेवलकर यांना या प्रकरणात अटक करण्यात आली आहे.
प्र.2: रूपाली चाकणकर यांनी कोणता विधान केलं आहे?
उ: त्यांनी रोहिणी खडसे यांच्याबद्दल सहानुभूती व्यक्त केली असून, हे सत्य समोर आल्यावर त्यांचे गैरसमज दूर होतील असे सांगितले आहे.
प्र.3: या प्रकरणाचा राष्ट्रवादी काँग्रेसवर काय परिणाम झाला आहे?
उ: या प्रकरणामुळे पक्षाच्या प्रतिमेला मोठा धक्का बसला असून राजकीय वर्तुळात चर्चा आणि आरोप सुरू झाले आहेत.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.