परिवहन मंत्री प्रताप सरनाईक यांनी ज्येष्ठ नेते शरद पवार यांची भेट घेतली असून, त्यांनी पवार हे आपल्या राजकीय गुरू असल्याचे सांगत पवार कुटुंबाने एकत्र येण्याचे आवाहन केले.
या भेटीबाबत विविध चर्चा रंगल्या असल्या तरी सरनाईक यांनी ती फक्त शुभेच्छा भेट असल्याचे स्पष्टीकरण दिले.
सरनाईक यांनी सोलापूर आणि धाराशिव जिल्ह्यात "ऑपरेशन टायगर"अंतर्गत अनेक नेते शिवसेनेत प्रवेश करणार असल्याचे संकेत दिले तसेच रवींद्र धंगेकर यांना पाठिंबा दर्शवला.
Solapur, 27 October : ज्येष्ठ नेते शरद पवार हे माझे राजकीय गुरू आहेत. वयाच्या १८ व्या वर्षी पवारसाहेबांचा झेंडा घेऊन मी माझ्या राजकीय कारकिर्दीची सुरुवात विद्यार्थी संघटनेपासून केली आहे. दरवर्षी दिवाळी पाडव्याला त्यांची भेट घेऊन त्यांचे आशीर्वाद घेत असतो. ज्या प्रमाणे ठाकरे बंधू एकत्र आले, त्याचप्रमाणे पवार कुटुंबानेदेखील एकत्र येण्याची गरज आहे, असे भाष्य शिवसेनेचे नेते तथा परिवहन मंत्री प्रताप सरनाईक यांनी केले आहे.
परिवहन मंत्री प्रताप सरनाईक यांनी दोन दिवसांपूर्वी ज्येष्ठ नेते शरद पवार (Sharad Pawar) यांची त्यांच्या घरी जाऊन भेट घेतली होती. त्यावेळी त्यांच्यासोबत त्यांचे पुत्र विहंग सरनाईकही उपस्थित होते. या भेटीची राजकीय वर्तुळात चांगलीच चर्चा रंगली होती.
मुलगा विहंग सरनाईक याच्या मुंबई क्रिकेटमधील एन्ट्रीसाठी सरनाईक यांनी शरद पवार यांची भेट घेतल्याची चर्चा आहे. मात्र, त्याबाबत प्रताप सरनाईक (Pratap Sarnaik) यांनी कुठल्याही प्रकाराचे भाष्य केलेले नाही. मात्र, त्या भेटीबाबत मंत्री सरनाईक यांनी पंढरपूर दौऱ्यात स्पष्टीकरण दिले आहे. त्यामुळे पवार-सरनाईक भेटीबाबत आणखी गूढ वाढले आहे.
शिवाजी सावंतांच्या शिवसेना राजीनाम्याबाबत परिवहन मंत्री सरनाईक म्हणाले, शिवाजी सावंतांनी आजून शिवसेना सोडलेली नाही. त्यांच्याशी माझं स्वतः बोलणं झालं आहे. त्यांच्याशी चर्चा करून मार्ग काढला जाईल. अजून कोणी कोणाकडे गेलेले नाही. भविष्यात कोण कोणाकडं जाईल, हे सांगता येत नाही. जिल्हा परिषद, पंचायत समितीसाठी एक महिन्याचा कालावधी आहे, या महिनाभरात सोलापूरचं राजकारण वेगवेगळ्या पद्धतीने होईल.
शिवसेनेचेही राज्यात ऑपरेशन टायगर सुरू आहे. त्या अंतर्गत सोलापूर आणि धाराशिव जिल्ह्यातील अनेक बडे नेते लवकरच शिवसेनेत प्रवेश करतील, असा दावाही मंत्री प्रताप सरनाईक यांनी पंढरपुरात दौऱ्यात स्पष्ट केले.
रवींद्र धंगेकर हे शिवसेनेचा आक्रमक चेहरा आहेत. त्यांनी महापालिका आणि विधानसभेत प्रतिनिधीत्व केलेले आहे, त्यामुळे त्यांना सर्व खाचखाळगे माहिती आहेत. त्यामुळे त्यांच्या सूचनांकडे वाईट नजरने बघायची गरज नाही, असे सांगून प्रताप सरनाईक यांनी रवींद्र धंगेकर यांची पाठराखण केली आहे.
1. प्रताप सरनाईक यांनी शरद पवारांची भेट का घेतली?
दिवाळी पाडव्याच्या निमित्ताने शुभेच्छा देण्यासाठी आणि आशीर्वाद घेण्यासाठी त्यांनी भेट घेतली.
2. शरद पवारांविषयी सरनाईक यांनी काय म्हटलं?
ते म्हणाले की, शरद पवार हे त्यांचे राजकीय गुरू आहेत आणि पवार कुटुंबाने एकत्र यावे.
3. या भेटीचा राजकीय अर्थ लावला जातो का?
होय, राजकीय वर्तुळात या भेटीबद्दल विविध चर्चा रंगल्या आहेत, पण सरनाईक यांनी राजकीय हेतू नाकारला.
4. “ऑपरेशन टायगर” म्हणजे काय?
शिवसेनेत नवीन नेत्यांना सामावून घेण्यासाठी राज्यभर सुरू असलेले संघटन विस्तार अभियान.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.