Swabhimani Shetkari Saghtana : ऊसदरासाठी आता 'स्वाभिमानी'ने उपसले चक्काजाम आंदोलनाचे अस्त्र!

Kolhapur News : ऊसदराबाबत कोल्हापुरात आज पार पडलेली स्वाभिमानी शेतकरी संघटना आणि कारखानदारांची तिसरी बैठकही निष्फळ ठरली. बैठकीच्या सुरुवातीसच गोंधळ पाहायला मिळाला, मात्र नंतर बैठक सुरू होऊनही अखेरपर्यंत तोडगा निघाला नाही.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

अखेर स्वाभिमानी शेतकरी संघटनेने आता १९ नोव्हेंबर रोजी चक्काजाम आंदोलन करण्याचा इशारा दिला आहे. संघटनेचे नेते राजू शेट्टी यांनी ही घोषणा केली आहे.

चारशे रुपये देण्यास कारखानदारांची नकारघंटा आहे, तर पालकमंत्री हसन मुश्रीफ यांनी मागील हंगामातील 400 रुपयांसाठी कमिटी नेमण्याचा प्रस्ताव दिला होता. मात्र, गेल्या वर्षीच्या 400 रुपयांसाठी कमिटी नेमण्याचा प्रस्ताव स्वाभिमानी शेतकरी संघटनेने धुडकावला आहे. परिणामी कोल्हापूर-सांगली जिल्ह्यांत ऊसदराचे आंदोलन पुन्हा चिघळणार असल्याचे दिसते.

(Edited by - Mayur Ratnaparkhe)