Kolhapur District Shivsena President : उद्धवसेनेचे तीन शिलेदारांमध्ये जिल्हाध्यक्ष पदासाठी स्पर्धा, कोणावर राहणार ठाकरेंची मर्जी

Kolhapur News : विधानसभा निवडणुकीत दारुण पराभव झाल्यानंतर आगामी स्थानिक स्वराज्य संस्थेच्या निवडणुकीच्या पार्श्वभूमीवर कोल्हापुरात ठाकरेंच्या सेनेत नेतृत्व बदलाची मागणी होत आहे. त्याबाबतच्या हालचालींना देखील वेग आला आहे. एकदा दोन दिवसात जिल्हा संपर्कप्रमुख अरुण दुधवडकर कोल्हापुरात येणार आहेत. शिवाय याआधीचे जिल्हाप्रमुख संजय पवार यांना दोन वर्षांपूर्वी शिवसेनेचे उपनेते केल्यानंतरही जिल्हाध्यक्ष पदाची जबाबदारी त्यांच्याकडेच राहिली आहे. सध्या या पदासाठी कोल्हापूर शहरातील तीन शिलेदार इच्छुक आहेत. प्रत्येकाने आपापल्या परीने फिल्डिंग लावण्यास सुरुवात केली आहे. आगामी स्थानिक स्वराज्य संस्थेच्या निवडणुकीच्या पार्श्वभूमीवर नवीन पदाधिकाऱ्यांना संधी द्यावी, अशी मागणी शिवसैनिकांकडून केली जात आहे.

कोल्हापूर जिल्ह्यात नेहमीच पदाची खांडोळी केली जाते. कोल्हापूर महापालिकेच्या राजकारणात देखील हीच परिस्थिती आहे. पक्षीय पातळीवर देखील पदाची खांडोळी करत कार्यकर्त्याचा सन्मानं राखला जातो. सध्या कोल्हापुरात ठाकरे यांच्या शिवसेनेचे किमान तीन तरी जिल्हाध्यक्ष होत आले आहेत.

राज्यसभा निवडणुकीनंतर संजय पवार यांना सेनेच्या उपनेते पदावर बढती देण्यात आली. त्यानंतर कोल्हापूर शहर करवीर आणि दक्षिण विधानसभा मतदारसंघातील जिल्हाध्यक्ष पद देखील सध्याही संजय पवार यांच्याकडेच आहे. पण आता नेतृत्व बदल करण्याची मागणी शहराध्यक्ष रविकिरण इंगवले यांनी केली आहे. पक्षातील गटबाजी वारंवार चव्हाट्यावर येत असताना थेट नेतृत्वावर शंका उपस्थित करत इंगवले यांनी मातोश्री पर्यंत निरोप पोहोच केले आहेत.

त्यानंतर पक्षातील नेतृत्व बदलाच्या हालचाली जिल्हास्तरावर गतिमान झाले असून जिल्हाध्यक्ष पदासाठी शहराध्यक्ष रविकिरण इंगवले, युवा सेनेचे माजी जिल्हाप्रमुख हर्षल सुर्वे, उपजिल्हाप्रमुख अवधूत साळुंखे यांच्यात चुरस निर्माण झाली आहे.

गाणी देखील या पदावर दावा केला आहे. दरम्यान जिल्हा संघर्ष संपर्कप्रमुख अरुण दूधवडकर येत्या काही दिवसात कोल्हापूर दौऱ्यावर येणार आहेत. त्यामुळे इच्छुकांच्या बाजूचा विचार वरिष्ठ मंडळी करणार का हे पाहणे महत्त्वाचे आहे.