Chandrashekhar Bawankule: मंत्री बावनकुळेंचा आणखी एक मोठा निर्णय, चार जिल्ह्यांचं प्रशासकीय विभाजन होणार, 47 नवीन अपर तहसील कार्यालये

Mumbai News: चंद्रशेखर बावनकुळे यांनी महायुती सरकारमध्ये महसूलमंत्री म्हणून पदभार स्विकारल्यापासून एकापाठोपाठ एक धक्कादायक निर्णय घेतले आहेत.आता त्यांनी राज्यातील चार जिल्ह्यांच्या संदर्भात मोठा निर्णय घेतल्याची माहिती समोर येत आहे. मुख्यमंत्री देवेंद्र फडणवीस यांच्या सूचनेनुसार मंत्री बावनकुळे यांनी जनतेच्या सोयीसाठी चार जिल्ह्यांचं प्रशासकीय विभाजन करण्यात येणार असल्याची घोषणा केली आहे.

राज्यातील बारामती, पंढरपूर, दापोली आणि नागपूर ग्रामीण या चार ठिकाणी नवीन अपर (अतिरिक्त) जिल्हाधिकारी कार्यालये स्थापन करण्यात येणार आहेत. तसेच राज्यातील एकूण 21 जिल्ह्यांमध्ये 47 नवीन अपर तहसील कार्यालयांची निर्मिती देखील केली जाणार आहे.

महसूलमंत्री म्हणून काम करताना भाजप नेते चंद्रशेखर बावनकुळे हे त्यांच्या महसूलसंबंधीच्या अनेक निर्णयांमुळे चर्चेत आले आहेत.सिमेंट रस्त्यांच्या कामांऐवजी 'शिवकालीन बंधारे' आणि जलसंधारणाच्या कामांना प्राधान्य देण्याचे निर्देश दिले आहेत.

तसेच 1 जानेवारी 2011 पूर्वी शासकीय जमिनीवर वसलेल्या नागरिकांना मालकी हक्क आणि प्रॉपर्टी कार्ड दिले जाणार असल्याचंही त्यांनी यापूर्वी जाहीर केलं आहे. आता चार ठिकाणी नवीन अपर (अतिरिक्त) जिल्हाधिकारी कार्यालये स्थापन करण्यात येणार आहेत. यासोबतच, राज्यातील एकूण 21 जिल्ह्यांमध्ये 47 नवीन अपर तहसील कार्यालयांची निर्मिती देखील केली जाणार असून,

महसूलमंत्री बावनकुळे यांच्या 'आदर्श नोंदणी पॅटर्न'ची देशपातळीवर चर्चेचा विषय ठरत आहे. केंद्राकडून या प्रत्येक कार्यालयाला 50 लाखांचे अनुदान देण्यात आलं आहे. पहिल्या टप्प्यात राज्यात आदर्श दुय्यम निबंधक कार्यालय ही मुंबई, ठाणे, पुणे, नागपूर, नाशिक आणि छत्रपती संभाजीनगर या सहा प्रमुख जिल्ह्यांमधील मुख्यालयांच्या ठिकाणी ३० नवीन आदर्श कार्यालये होणार आहे.