Nagpur News : दोन्ही राष्ट्रवादी काँग्रेसच्या एकत्रीकरणाची चर्चा अधूनमधून होत असते. अनेक कार्यकर्त्यांनी यापूर्वी ही भावना बोलून दाखवली आहे. यावरून शरद पवार यांनी मध्यंतरी केलेल्या वक्तव्यावरून दोन्ही राष्ट्रवादी काँग्रेसच्या स्थापना दिनाच्या कार्यक्रमात याची घोषणा केली जाईल असे दावे केले जात होते. मात्र ती फोल ठरली. असे असले तरी नागपूरमध्ये राष्ट्रवादी काँग्रेसच्यावतीने आयोजित करण्यात आलेल्च्या चिंतन शिबिर परिसरात लावण्यात आलेल्या एका भल्या मोठ्या फलकावरून दोन्ही कडेच्या राष्ट्रवादी काँग्रेसची (NCP) एकत्रीकरणाची आशा कायम असल्याचे दिसून येते.
अजित पवार यांच्या उपस्थितीत राष्ट्रवादी काँग्रेसचे चिंतन शिबिर नागपूरमध्ये घेण्यात आले. या शिबिरात पक्षाचे राष्ट्रीय कार्याध्यक्ष प्रफुल पटेल, प्रदेशाध्यक्ष सुनील तटकरे, राष्ट्रवादीचे सर्व मंत्री, खासदार, आमदार यांच्यासह सुमारे साडेपाचशे प्रतिनिधी उपस्थित होते. हे चिंतन शिबिर सुरू असताना ‘साहेब, दादा, ताई‘ महाराष्ट्रासाठी एक व्हा या, झाले गेले गंगेला मिळू द्या‘ हे फलक सर्वांचे लक्ष वेधून घेतले.
राष्ट्रवादी काँग्रेसचे सरचिटणीस राजू घुगे आणि दिनेशचंद्र हुलवडे यांच्या फोटोसह हे पोस्टर लावण्यात आले आहे. यावर ‘आम्ही आहोत सदैव तुमच्या सोबत,पण त्यासाठी तुम्हाला एकत्र पहायला आवडेल आम्हाला, झाले गेले गंगेला मिळू द्या, माझ्या देशासाठी, माझ्या महाराष्ट्रासाठी, माझ्या राष्ट्रवादीसाठी तुम्ही एकत्र या अशी हात जोडून विनंती याद्वारे करण्यात आली.
माझ्या देशासाठी, माझ्या महाराष्ट्रासाठी, माझ्या राष्ट्रवादीसाठी तुम्ही एकत्र या अशी हात जोडून विनंती याद्वारे करण्यात आली. राष्ट्रवादी काँग्रेसच्या शिबिरात उपस्थित राहिलेले सर्वच मंत्री, आमदार, खासदार व पदाधिकारी यांनी शरद पवार आणि अजित पवार (Ajit Pawar) यांच्यासोबत काम केले आहे. आजही काका-पुतणे वेगळे झाल्याची खंत व्यक्त केली जात आहे.
अजित पवार यांनी महायुतीत सहभागी होण्याचा निर्णय घेतल्यानंतर राष्ट्रवादी काँग्रेसची शकले झाली. लोकसभा आणि विधानसभेच्या निवडणुकीत दोन्ही राष्ट्रवादी एकमेकांच्या विरोधात लढली.
कायदेशीर लढाई आणि आमदारांच्या संख्याबळाच्या आधारावर पक्ष आणि पक्षाचे चिन्ह अजित पवार यांच्याकडे गेले. शरद पवार यांनी दुसऱ्या नावाने पक्षाची नोंद केली. दोन्ही राष्ट्रवादी काँग्रेस कधीतरी एकत्र येईल याची आशा आजही अनेकांना आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.